شارجہ ٹیسٹ میں مایوس کن پرفارمنس، پاکستانی کرکٹرز کی رینکنگ گرگئی -
The news is by your side.

Advertisement

شارجہ ٹیسٹ میں مایوس کن پرفارمنس، پاکستانی کرکٹرز کی رینکنگ گرگئی

دبئی : شارجہ ٹیسٹ میں مایوس کن پرفارمنس کے باعث پاکستانی کرکٹرز کی رینکنگ میں تنزلی آگئی۔

آئی سی سی نے ٹیسٹ کی نئی رینکنگ جاری کردی، شارجہ ٹیسٹ ہارنے کے بعد بھی پاکستان کی دوسری پوزیشن برقرار ہے لیکن ٹیم کے دو پوائنٹس کم ہوگئے۔

نئی ٹیسٹ رینکنگ کے مطابق بیٹسمینوں میں آسٹریلین ٹیم کے کپتان اسٹیون اسمتھ بدستور پہلے نمبر پر جبکہ ہاشم آملہ دوسرے سے تیسرے نمبر پر آ گئے ہیں۔ یونس خان تیسرے ٹیسٹ میں ناقص کاکردگی کے باعث تین درجہ کمی کے بعد پانچویں نمبر پر آگئے۔

چار درجے خسارے کے بعد اسد شفیق بھی ٹاپ ففٹین سے باہر ہوگئے جب کہ مصباح الحق 10 ویں اور اظہر علی بدستور 12 ویں نمبر پر موجود ہیں۔

test-post-1

پاکستان کے خلاف شارجہ ٹیسٹ کی دونوں اننگز میں شاندار کارکردگی کا مظاہرہ کرنے والے ویسٹ انڈیز کے کھلاڑی کریگ برتھ ویٹ 13 درجے ترقی کے بعد کیرئیر کی بہترین 19 ویں پوزیشن پر پہنچ گئے ہیں۔

بولرز میں بھارت کے روی چندرن ایشون پہلی ، جنوبی افریقا کے ڈیل اسٹین دوسری اور انگلینڈ کے جیمز اینڈرسن تیسری پوزیشن پر براجمان ہیں جب کہ پاکستانی لیگ اسپنر یاسر شاہ ایک درجہ تنزلی کے بعد چھٹے نمبر پر چلے گئے۔

ٹیسٹ رینکنگ میں بھارت پہلے اور آسٹریلیا تیسرے نمبر پر ہے جبکہ قومی ٹیم ویسٹ انڈیز سے تیسرا ٹیسٹ ہارنے کے بعد دو پوائنٹس سے بھی محروم ہو گئی ہے تاہم بدستور دوسری پوزیشن پر موجود ہے۔

test-post-2


مزید پڑھیں : شارجہ ٹیسٹ: ویسٹ انڈیز نے پاکستان کو 5 وکٹوں سے شکست دے دی


یاد رہے کہ شارجہ میں کھیلے جانے والے تیسرے ٹیسٹ میں قومی ٹیم دوسری اننگز میں 208 رنز بنا کرآؤٹ ہوگئی تھی،تاہم ویسٹ انڈیز نے شاندار کم بیک کرتے ہوئے پاکستان کو 5 وکٹوں سے شکست دے دی۔

 

Comments

comments

یہ بھی پڑھیں