دبئی: انٹرنیشنل کرکٹ کونسل (آئی سی سی) نے ون ڈے کی نئی رینکنگ جاری کردی۔
آئی سی سی ون ڈے پلیئر رینکنگ میں قومی ٹیم کے کپتان بابر اعظم بدستور پہلے نمبر پر براجمان ہیں ان کے ریٹنگ پوائنٹس 857 ہیں۔
دوسرے نمبر پر بھارت کے شبھمن گل ہیں ان کے ریٹنگ پوائنٹس کی تعداد 839 ہیں۔
آسٹریلیا کے ڈیوڈ وارنر ایک درجہ ترقی کے بعد پانچویں نمبر پر آگئے ہیں، امام الحق کی رینکنگ میں تنزلی ہوئی ہے اور وہ چھٹے نمبر پر چلے گئے ہیں۔
A tie at the top of the @MRFWorldwide ODI Bowler Rankings on the eve of the @cricketworldcup
Details https://t.co/nUOZ0w3Wq3
— ICC (@ICC) October 4, 2023
بھارت کے روہت شرما ایک درجے ترقی کے بعد 10 ویں نمبر پر آ گئے، فخر زمان کی ایک درجے تنزلی ہوئی ہے جس کے بعد وہ 11 ویں نمبر پر چلے گئے۔
ون ڈے بولرز رینکنگ میں بھارت کے محمد سراج کا پہلا نمبر برقرار ہے، پاکستان کے شاہین آفریدی دو درجے ترقی کے بعد چھٹے نمبر پر آگئے۔
آسٹریلیا کے میچل اسٹارک دو درجے تنزلی کے بعد 8 ویں نمبر پر چلے گئے، افغانستان کے محمد نبی ایک درجے ترقی کے بعد ٹاپ ٹین میں آگئے، رینکنگ میں ان کا دسواں نمبر ہے۔
حارث رؤف ایک درجے ترقی کے بعد 21 ویں نمبر پر آ گئے، ون ڈے آل راؤنڈرز میں بنگلا دیش کے شکیب الحسن بدستور پہلے نمبر پرموجود ہیں۔
