ایشیا کپ سپر فور کے اہم میچ میں بھارت سے پاکستان کی 228 رنز کی بڑی شکست کے بعد ایشین کرکٹ کونسل کے صدر جے شاہ کا بیان سامنے آیا ہے۔
گزشتہ روز بیٹنگ، بولنگ اور فیلڈنگ ہر میدان میں گرین شرٹس کو چت کرکے 228 رنز کی فتح سمیٹنے والے بھارت کی اس جیت پر اے سی سی کے صدر جے شاہ نے سماجی رابطوں کی ویب سائٹ ایکس (سابقہ ٹوئٹر) پر بیان جاری کیا ہے جس میں انہوں نے میچ کو ناقابل فراموش قرار دیا ہے۔
جے شاہ نے اپنے ٹویٹ میں بھارتی ٹیم کی مجموعی کارکردگی کی تعریف کرتے ہوئے لکھا کہ پوری ٹیم نے شاندار کھیل پیش کیا انہوں نے نہ صرف غیر معمولی بیٹنگ کا مظاہرہ کیا بلکہ بہترین بولنگ پلان بھی تعریف کا مستحق ہے۔
انہوں نے کہا کہ کے ایل راہول اور ویرات کوہلی کی سنچریوں کے ساتھ کلدیپ یادو اور جسپریت بمرا کی تعریف بھی کی۔
An extraordinary batting display, a perfect bowling plan, and centuries by @imVkohli and @klrahul! 🏏🙌 Hats off to Virat and @imkuldeep18 for their brilliance. Rahul's and @Jaspritbumrah93's remarkable comebacks after injury. This match was truly unforgettable. 🇮🇳👏 #INDvsPAK… pic.twitter.com/fr94mNb9dW
— Jay Shah (@JayShah) September 11, 2023
واضح رہے کہ جے شاہ کی ہٹ دھرمی کے باعث ایشیا کپ کے میچز بارش کے باعث متاثر ہو رہے ہیں جن پر انہیں صرف پاکستان نہیں بلکہ اپنے ملک انڈیا میں بھی سخت تنقید کا نشانہ بنایا جا رہا ہے۔
