دبئی: انٹرنیشنل کرکٹ کونسل (آئی سی سی) نے ٹیسٹ، ون ڈے اور ٹی 20 پلیئرز کی رینکنگ جاری کردی۔
آئی سی سی کی جانب سے جاری رینکنگ کے مطابق ٹی 20 میں بھارت کے سوریا کمار یادیو پہلے نمبر پر موجود ہیں جبکہ قومی ٹیم کے وکٹ کیپر بیٹر محمد رضوان کا تیسرا اور بابر اعظم چوتھے نمبر پر براجمان ہیں۔
بولرز رینکنگ میں انگلینڈ کے عادل رشید کا پہلا نمبر ہے جبکہ ٹی 20 آل راؤنڈرز میں بنگلہ دیش کے شکیب الحسن پہلے نمبر پر موجود ہیں۔
بولرز رینکنگ میں جسپریت بمراہ تیسرے پر آگئے ہیں جبکہ شاہین آفریدی ایک درجے ترقی کے بعد 10ویں نمبر پر پہنچ گئے ہیں۔
آئی سی سی ون ڈے بیٹرز میں پاکستان کے بابر اعظم کی پہلی پوزیشن برقرار ہے جبکہ بولرز میں جنوبی افریقا کے کیشیو مہاراج پہلی پوزیشن پر موجود ہیں۔
ون ڈے بولرز رینکنگ میں پاکستان کے شاہین آفریدی ساتویں سے چھٹے نمبر پر آگئے جبکہ ون ڈے آل راؤنڈرز میں افغانستان کے محمد نبی کی بدستور پہلی پوزیشن ہے۔
ٹیسٹ رینکنگ میں کیوی کپتان کین ولیمسن کی پہلی پوزیشن برقرار ہے جبکہ انگلینڈ کے جو روٹ بھی بدستور دوسرے نمبر پر موجود ہیں۔
بابر اعظم دو درجے ترقی کے بعد تیسرے نمبر پر آگئے ہیں جبکہ نیوزی لینڈ کے ڈیرل مچل ایک درجے ترقی کے بعد چوتھے نمبر پر پہنچ گئے ہیں، آسٹریلوی بیٹر اسٹیو اسمتھ دو درجے تنزلی کے بعد پانچویں نمب رپر چلے گئے ہین جبکہ روہت شرما 5 درجے ترقی کے بعد چھٹے نمبر پر پہنچ گئے ہیں۔
ٹیسٹ بولرز میں روی چندرن ایشون پہلے نمبر پر آگئے ہیں جبکہ جوش ہیزل ووڈ دو درجے ترقی کے بعد دوسرے نمبر پر پہنچ گئے۔
ٹیسٹ آل راؤنڈرز میں بھارت کے رویندرا جڈیجا کی پہلی پوزیشن برقرار ہے۔
