دبئی: انٹرنیشنل کرکٹ کونسل (آئی سی سی) نے سابق فاسٹ بولر شعیب اختر کے تیز ترین بولنگ اسپیل کی یاد تازہ کردی۔
تفصیلات کے مطابق آئی سی سی کی جانب سے تین منٹ اور ایک سیکنڈ کی ویڈیو شیئر کی گئی ہے جس میں شعیب اختر تیز ترین بولنگ اسپیلز سے لیجنڈری کرکٹرز کو بولڈ کررہے ہیں۔
ویڈیو میں دیکھا جاسکتا ہے کہ شعیب اختر اپنی شاندار بولنگ کی بدولت سچن ٹنڈولکر ودیگر کھلاڑیوں کو آؤٹ کرکے خوشی کا اظہار کررہے ہیں۔
ویڈیو شیئر کرتے ہوئے آئی سی سی نے لکھا کہ ’انہیں سنبھالنا تو ایک مشکل کام ہے۔‘ آئی سی سی نے یہ بھی لکھا کہ ’شعیب اختر اپنے فاسٹ اینڈ فیورس بولنگ اسپیلز کے ساتھ۔‘
Too hot to handle 🔥@shoaib100mph at his fast and furious best 🚀 pic.twitter.com/plIqeRycHw
— ICC (@ICC) April 27, 2021
آئی سی سی کی اس ویڈیو کو شائقین کرکٹ کی جانب سے خوب سراہا جارہا ہے تاہم اس ٹویٹ پر خود شعیب اختر کا کوئی ردعمل سامنے نہیں آیا ہے۔
