آئی سی سی ٹی ٹوئنٹی ورلڈ کپ میں شرکت کے لیے پاکستان ویمنز ٹیم دبئی پہنچ گئی۔
رپورٹس کے مطابق ویمن کرکٹ ٹیم کپتان فاطمہ ثناء کی قیادت میں دبئی انٹرنیشنل ایئرپورٹ سے ہوٹل پہنچی، قومی ٹیم آج آرام کے بعد کل سے پریکٹس سیشن کا آغاز کرے گی۔
28 ستمبر کو ویمن کرکٹ ٹیم پہلا وارم اپ میچ اسکاٹ لینڈ کے خلاف کھیلے گی جبکہ دوسرے وارم اپ میچ 30 ستمبر کو بنگلادیش کے خلاف میدان میں اترے گی۔
آئی سی سی ٹی ٹوئنٹی ورلڈ کپ کا اپنا افتتاحی میچ پاکستان ویمن کرکٹ ٹیم 3 اکتوبر بروز جمعرات کو سری لنکا کے خلاف کھیلے گی۔
دوسرے میچ میں پاکستانی ویمن کرکٹ ٹیم کا 6 اکتوبر بروز اتوار کو روایتی حریف بھارت سے ٹاکرا ہوگا۔
پاکستانی ویمنز ٹیم تیسرا میچ 11 اکتوبر بروز جمعہ کو آسٹریلیا کے خلاف کھیلے گی جبکہ چوتھا میچ 14 اکتوبر بروز پیر کو نیوزی لینڈ کے خلاف کھیلے گی۔
آئی سی سی نے ویمنز ٹی 20 ورلڈ کپ کا آفیشل گانا جاری کردیا
آئی سی سی نے ویمن کرکٹ ٹیموں کے ٹی ٹوئنٹی ورلڈ کپ کے لیے آفیشل گانا بھی جاری کردیا ہے۔
