دبئی : آئی سی سی نے ٹیسٹ پلئیرز کی نئی رینکنگ جاری کردی، پاکستان کے مصباح الحق ایک بار پھر ٹاپ ٹین میں جگہ بنانے میں کامیاب ہوگئے ہیں۔
آئی سی سی ٹیسٹ بیٹسمین رینکنگ میں انگلینڈ کے جو روٹ بدستور پہلے نمبر پر براجمان ہیں، رینکنگ میں یونس خان اور مصباح الحق کی ایک درجہ ترقی ہوئی ہے۔ یونس خان چھٹے اور مصباح الحق دسویں نمبر پر آگئے۔
ٹیسٹ بولرز رینکنگ میں جنوبی افریقہ کے ڈیل اسٹین ٹاپ پوزیشن پر موجود ہیں۔
پاکستان کے یاسر شاہ انگلینڈ کے جیمز اینڈرسن کے ساتھ تیسرے نمبر پر موجود ہیں، ٹاپ ٹین بولرز میں یاسر شاہ کے علاوہ اور کوئی پاکستانی شامل نہیں ہے۔
