The news is by your side.

Advertisement

نئی ٹیسٹ رینکنگ: محمد عباس تیسرے نمبر پرآگئے

دبئی : آسٹریلیا کے خلاف 2 ٹیسٹ میچوں کی سیریز میں تباہ کن باؤلنگ کرنے والے محمد عباس ٹیسٹ رینکنگ میں تیسری پوزیشن پرآگئے۔

تفصیلات کے مطابق انٹرنیشنل کرکٹ کونسل نے پاکستان اور آسٹریلیا کے درمیان کھیلی گئی ٹیسٹ سیریز کے بعد نئی رینکنگ جاری کردی جس میں فاسٹ باؤلر تیسرے نمبر پرآگئے۔

آئی سی سی کی جانب سے جاری کی گئی نئی ٹیسٹ رینکنگ کے مطابق محمد عباس 829 پوائنٹس کے ساتھ تیسرے نمبر پر آگئے ہیں۔

فاسٹ باؤلر محمد عباس نے صرف 10 ٹیسٹ میچز کھیل کر آئی سی سی کی رینکنگ میں تیسری پوزیشن حاصل کی ہے۔

نئی ٹیسٹ رینکنگ میں پاکستانی آف اسپنربلال آصف بھی 17 درجے بہتری کے بعد 52 ویں پوزیشن پر آگئے ہیں۔

دوسری جانب بیٹسمینوں کی رینکنگ میں بھارتی کپتان ویرات کوہلی پہلی، اسٹیو اسمتھ دوسری اور کین ولیمسن تیسری پوزیشن پرہیں۔

یقین تھا اللہ ایک دن کامیابی سے نوازے گا‘ محمد عباس

واضح رہے کہ محمد عباس 10ویں پاکستانی باؤلر ہیں جنہوں نے 800 پوائنٹس حاصل کیے ہیں اس سے قبل یاسر شاہ، عمران خان، وسیم اکرم ، فضل محمود، وقار یونس، مشتاق احمد، شعیب اختر، سعید اجمل، محمد آصف نے 800 پوائنٹس حاصل کرچکے ہیں۔

Comments

comments

یہ بھی پڑھیں