The news is by your side.

Advertisement

قومی ویمن کرکٹرز نے بڑی کامیابی حاصل کر لی

پاکستان نے آئی سی سی ویمنز کرکٹ ورلڈ کپ 2022 کی اپنی پہلی فتح حاصل کر لی۔

آئی سی سی ویمن ورلڈ کپ میں پاکستان کرکٹ ٹیم نے اپنا پانچواں میچ آج ویسٹ انڈیز کے خلاف کھیلا اور مخالف ٹیم کو 8 وکٹوں سے شکست دے دی۔

یہ خواتین کے ورلڈ کپ مقابلوں میں پاکستان کی 2009 کے بعد پہلی کامیابی ہے، اور ویمن ٹیم نے آج ویسٹ انڈیز کے خلاف 18 میچوں میں شکست کا سلسلہ آخر کار توڑ دیا، یہ نیوزی لینڈ میں بھی ویمن ٹیم کی پہلی ون ڈے جیت ہے۔

ہیملٹن میں جاری میچ بارش کی وجہ سے 20 اوورز فی اننگز تک محدود کر دیا گیا تھا، بارش سے متاثرہ میچ میں پاکستانی بولرز نے شان دار بولنگ کی، اور حریف ٹیم کو 89 رنز تک محدود رکھا۔

پاکستان ویمنز ٹیم نے بارش سے متاثرہ میچ میں 90 رنز کا ہدف 2 وکٹوں پر حاصل کیا، ندا ڈار نے 4 وکٹیں حاصل کیں۔

پاکستان کی جانب سے منیبہ علی 37 ، عمیمہ سہیل 22 اور بسمہ معروف نے 20 رنز بنائے۔

Comments

یہ بھی پڑھیں