The news is by your side.

Advertisement

ویمنز پلیئر آف دی منتھ نامزدگی، پاکستان کے لئے اچھی خبر

دبئی: انٹرنیشنل کرکٹ کونسل (آئی سی سی ) نے مئی کے لیے ویمنز پلیئر آف دی منتھ کی نامزدگیوں کا اعلان کردیا ہے۔

تفصیلات کے مطابق آئی سی سی کی جانب سے مئی کے لئے ویمنز پلیئر آف دی منتھ کے لیے نامزدگیوں کا اعلان کیا گیا ہے، پاکستان کے لئے اچھی خبر ہے کہ پہلی بار دو کرکٹرز کو نامزدگیاں ملی ہیں۔

قومی ویمنز ٹیم کی کپتان بسمہ معروف اور طوبیٰ حسن پلیئر آف دی منتھ کے لیے نامزد ہوئی ہیں، جبکہ جرسی کی ٹرینیٹی اسمتھ بھی نامزد ہونے والی کرکٹرز میں شامل ہیں۔

یہ بھی پڑھیں: ون ڈے سیریز : سری لنکا ویمن ٹیم نے تیسرے میچ میں پاکستان کو شکست دے دی

پاکستان کی پہلی خواتین کرکٹر قومی ٹیم کی کپتان بسمعہ معروف ہیں، جنہوں نے سری لنکا کے خلاف سیریز میں بیٹنگ میں زبردست پرفارمنس کے ساتھ ٹیم کی جیت میں اہم کردار ادا کیا تھا۔ جبکہ دوسری نامزدگی طوبیٰ حسن کی کی گئیں جنہوں نے سری لنکا کے خلاف اپنے ڈیبیو ٹی ٹوئنٹی میچ میں چار اوورز میں ایک میڈن کراتے ہوئے تین وکٹ حاصل کیں تھیں۔

آئی سی سی ویمنز پلیئر آف دی منتھ میں تیسری کھلاڑی جرسی کی ترینٹی اسمتھ کو شامل کیا گیا ہے، سترہ سالہ آل راؤنڈر نے بھی گذشتہ ماہ ہی اپنے کیریئر کا آغاز کیا ہے، انہوں نے چار ملکی سیریز میں اپنی ٹیم کی جیت میں اہم کردار ادا کیا اور 136.36 کی اوسط سے 120 رنز بنائے جبکہ بولنگ میں بھی انہوں نے 4 کھلاڑیوں کو آؤٹ کیا۔

Comments

یہ بھی پڑھیں