انٹرنیشنل کرکٹ کونسل نے اپریل کے لیے ویمننر پلیئر آف دی منتھ کی نامزدگیوں کا اعلان کر دیا ہے پاکستانی کھلاڑی بھی شامل ہے۔
انٹرنیشنل کرکٹ کونسل (آئی سی سی) نے اپریل 2025 کے لیے ویمنز پلیئر آف دی منتھ کی نامزدگیوں کا اعلان کر دیا ہے جس میں پاکستان ٹیم کی کپتان فاطمہ ثنا بھی شامل ہیں۔
آئی سی سی کی جانب سے پلیئر آف دی منتھ کے لیے نامزد کی گئی کھلاڑیوں میں پاکستانی کرکٹ ٹیم کی کپتان فاطمہ ثنا کے ساتھ ویسٹ انڈیز کی ہیلی میتھیوز اور اسکاٹ لینڈ کی کیتھرین برائس کو بھی نامزد کیا گیا ہے۔
واضح رہے کہ قومی ویمنز کرکٹ ٹیم نے فاطمہ ثنا کی قیادت میں گزشتہ ماہ پاکستان میں ہونے والے آئی سی سی ویمنز ورلڈ کپ کوالیفائنگ راؤنڈ میں ناقابل شکست رہتے ہوئے پہلی پوزیشن حاصل کی اور رواں سال بھارت میں ہونے والے آئی سی سی ویمنز ورلڈ کپ کے لیے کوالیفائی کیا تھا۔
