انٹرنیشنل کرکٹ کونسل (آئی سی سی) ورلڈ کپ کے پرومو میں ورلڈ نمبر ون بیٹر بابر اعظم کو ہی باہر کردیا گیا۔
آئی سی سی نے ورلڈ کپ کے پرومو کی دو منٹ کی ویڈیو میں زیادہ تر بھارتی کھلاڑی ہی دکھائی دیے، قومی ٹیم کے کپتان بابر اعظم ون ڈے کرکٹر آف دی ایئر ہونے کے ساتھ ساتھ رینکنگ میں نمبر ون ہیں لیکن ان کی ایک جھلک بھی نہ دکھائی گئی۔
پاکستانی کھلاڑیوں کو صرف منفی انداز میں دکھایا گیا جس میں وہاب ریاض مایوسی، محمد عامر بولڈ، شاداب کی گیند پر چھکا، جبکہ پاکستانی مداحوں کو بھی افسردہ دکھایا گیا۔
آئی سی سی ورلڈ کپ کا پرومو دیکھ کر مداح برس پڑے اور آئی سی سی پر تنقید کی۔
History will be written and dreams will be realised at the ICC Men's Cricket World Cup 2023 🏆
All it takes is just one day ✨ pic.twitter.com/A88Lvq8pUC
— ICC Cricket World Cup (@cricketworldcup) July 20, 2023
مشہور صحافی جارج ڈوبیل نے ٹوئٹ کیا کہ ’پرومو میں پاکستان اور ویسٹ انڈیز کو صرف ترس کے لیے دکھایا گیا ہے۔
گلوکار علی گل پیر نے لکھا کہ ’کیا صرف تین ملک ورلڈ کپ کھیلیں گے؟‘
ایک ٹوئٹر صارف نے لکھا کہ ’پرومو دیکھ کر ایسا لگا جیسے صرف آسٹریلیا، بھارت اور انگلینڈ ہی ورلڈ کپ جیتے ہیں۔‘
واضح رہے کہ آئی سی سی ورلڈ کپ کے پرومو میں بالی ووڈ کے بادشاہ شاہ رخ خان کو دکھایا گیا لیکن وہ بھی پرومو کو کامیاب نہ کرسکے اور مداح پرومو پر تنقید کررہے ہیں۔
