ہفتہ, مئی 25, 2024
اشتہار

ورلڈ ٹیسٹ چیمپئن شپ کی انعامی رقم کا اعلان، کس ٹیم کو کتنی رقم ملے گی؟

اشتہار

حیرت انگیز

آئی سی سی نے ورلڈ ٹیسٹ چیمپئن شپ کے لیے انعامی رقم کا اعلان کردیا ہے، فائنل جیتنے والی ٹیم کو 16 لاکھ ڈالر کی انعامی رقم ملے گی۔

انٹرنیشنل کرکٹ کونسل( آئی سی سی) نے انعامی رقم  میں کوئی تبدیلی نہیں کی، ٹیسٹ چیمپئن شپ میں  تمام ٹیموں کے لیے کل انعامی رقم 38 لاکھ ڈالررکھی گئی۔

چیمپئن شپ کی فاتح ٹیم کے لیے آئی سی سی کی جانب سے 16 لاکھ ڈالر کی انعامی رقم رکھی گئی ہے جبکہ رنز اپ کو 8 لاکھ ڈالر سے نوازا جائے گا۔

- Advertisement -

پوائنٹس ٹیبل کے تیسرے نمبر پر آنے والی ساؤتھ افریقی ٹیم کے حصے میں 4 لاکھ 50 ہزار ڈالر آئے۔

اس انعامی رقم سے انگلینڈ کو 3 لاکھ 50 ہزار ڈالر، سری لنکا کو 2 لاکھ ڈالر ملیں گے اور پاکستان کو ٹیسٹ چیمپئن شپ میں سے ایک لاکھ ڈالر ملے گا۔

اس کے علاوہ نیوزی لینڈ، ویسٹ انڈیز اور بنگلہ دیش کو بھی ایک ایک لاکھ ڈالر ملے گا۔

آئی سی سی ٹیسٹ چیمپئن شپ کا فائنل بھارت اور آسٹریلیا کے درمیان 7 جون سے 11 جون تک کھیلا جائے گا جبکہ 12 جون کو ریزرو ڈے ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں