یورپی ملک آئس لینڈ میں فضائی کمپنی نے پائلٹس کو ہی فضائی میزبان بناتے ہوئے مسافروں کی خدمات ان کے سپرد کردیں۔
یہ حیران کن فیصلہ فضائی کمپنی اور کیبن کریو ایسوسی ایشن کے مابین طویل عرصے سے جاری مذکرات کی ناکامی کے نتیجے میں کیا گیا ہے۔
کورونا وبا سے ایوی ایشن صنعت کو پہنچنے والے شدید مالی نقصان پر فضائی کمپنی نے تمام فضائی میزبانوں کو نوکریوں سے فارغ کر دیا۔
کمپنی نے اپنی بقا اور بزنس کو برقرار رکھنے کے لیے غیر معمولی اقدامات کے تحت پائلٹس کو مسافروں کی خدمات پر مامور کر دیا ہے۔
کمپنی پالیسی کے تحت ایسے پائلٹس جن کے پاس طیارہ اڑانے کی ذمہ داری نہیں ہو گی اور وہ ریزرو کے طور پر کمپنی میں موجود تھے انہیں نوکریوں سے فارغ کرنے کے سخت ترین فیصلے بچاتےہوئے متبادل کام دے دیا گیا ہے۔
اب 20 جولائی سے ایسے پائلٹس طیارہ اڑانے کے بجائے فضائی میزبانی کے فرائض انجام دیں گے اور دوران پرواز کریبن کریو کی تمام سروسز ان کے سپرد رہیں گی۔
