کراچی: ملک کی سمندری سرحدوں کی حفاظت کا فخر پاکستان نیوی آئیڈیاز 2024 میں اپنی بے مثال طاقت، مہارت اور جدید صلاحیتوں کا بھرپور مظاہرہ کرنے جا رہی ہے۔
عالمی دفاعی نمائش پاک نیوی کے پیشہ ورانہ معیار، جدید ٹیکنالوجی کے استعمال اور قومی دفاع میں اس کے کلیدی کردار کو اجاگر کرنے کا ایک بہترین موقع فراہم کرے گی۔
پاک نیوی نہ صرف سمندری سرحدوں کی حفاظت میں پیش پیش ہے بلکہ عالمی امن مشنز، انسانی امداد اور قدرتی آفات میں بھی اپنی خدمات سر انجام دیتی ہے۔
- Advertisement -
ہمیشہ تیار، ثابت قدم اور جدید دفاعی آلات سے لیس پاک نیوی پاکستان کی خود مختاری اور سلامتی کی مضبوط ضمانت ہے۔
آئیڈیاز 2024 میں پاک نیوی کی شرکت اس کے مضبوط عزم اور ناقابل شکست حوصلے کی علامت ہے۔ دنیا کو یہ پیغام دے گی کہ پاکستان اپنی سرحدوں کی حفاظت کیلیے ہر وقت تیار ہے۔
