اسلام آباد: وزیراعظم عمران خان نے کہا ہے کہ حضورﷺ دنیا کے عظیم ترین انسان تھے، آپ ﷺ کی راہ پر چلنے والا ہرقسم کی غلامی سےآزاد ہو جاتا ہے۔
تفصیلات کے مطابق حضور نبی کریم ﷺ کے یوم ِولادت پر سماجی رابطے کی ویب سائٹ ٹوئٹر پر اپنے پیغام میں وزیراعظم عمران خان نے کہا کہ حضورﷺ دنیا کے تمام مسلمانوں کیلیےمشعل راہ ہیں، غلامی میں جکڑے لوگ اپنی پوری صلاحیت کے اظہار میں ناکام رہتے ہیں مگر آپ ﷺ کی راہ پرچلنے والا ہر قسم کی غلامی سےآزاد ہوجاتا ہے۔
Our Prophet PBUH was the greatest human being of all time & hence the ideal role model for all of us. Anyone who follows his path will be liberated from the chains that keep us grounded & prevent us from fulfilling our potential.
— Imran Khan (@ImranKhanPTI) November 10, 2019
وزیراعظم نے لکھا کہ حضورﷺنےریاست مدینہ کی بنیاد 4 جدید اصولوں پر رکھی، ریاست مدینہ میں قانون کی حکمرانی، انسانی حقوق، شفقت اورمیرٹ تھا، حضورﷺکے رہنما اصول پرچلنے والی ریاست دنیا میں چھا جائے گی۔
Our Prophet PBUH founded the State of Madinah on modern principles of Rule of Law, Human Rights, Compassion, Meritocracy & the Pursuit of Knowledge as a sacred duty. If a state follows these principles it will rise.
— Imran Khan (@ImranKhanPTI) November 10, 2019
قبل ازیں اسلام آباد میں منعقدہ عالمی رحمتہ اللعالمین کانفرنس سے خطاب کرتے ہوئے وزیراعظم کا کہنا تھا کہ ہم اپنی زندگی میں رول ماڈل ڈھونڈتے ہیں، ہمارے رول ماڈل کھلاڑی تھے، راک اسٹار تھے، ہمیں کبھی احساس نہیں ہوا کہ رول ماڈل نبی کریم ﷺ کو بننا چاہیے۔
وزیر اعظم نے کہا کہ تعلیم اور تربیت ہمیں کبھی دین کی طرف نہیں لے کر گئی، ریاست مدینہ کی بات میں نے الیکشن جیتنے کے بعد کی، پہلے کرتا تو کہا جاتا کہ ووٹ کے لیے کر رہا ہے، ہمیں قومی نظیر بننا ہے تو ریاست مدینہ کی مثال پر چلنا ہوگا۔
