ٹوکیو : جاپان میں داخل ہونے والے افراد کی منفی کرونا ٹیسٹ رپورٹ 72 گھنٹے دورانیے کے اندر کی ہونی چاہیے۔
غیر ملکی خبر رساں ادارے کی رپورٹ کے مطابق جاپانی حکومت کی جانب سے اعلامیہ جاری کیا گیا ہے کہ جو لوگ جاپان میں داخل ہونا چاہتے ہیں انہیں چاہیے اڑان سے 72 گھنٹے قبل اپنا کرونا ٹیسٹ کرائیں جس کی رپورٹ منفی ہو۔
ذرائع کا کہنا ہے کہ یہ پابندی ہنگامی حالت کے نفاذ تک جاری رہنے کا امکان ہے، ساتھی ہی حکومت نے ایئرپورٹس پر جاپان میں داخل ہونے والے افراد کا کرونا ٹیسٹ کروانا ہوگا۔
آمد کے موقع پر خواہ ٹیسٹ کے نتیجے سے یہ تصدیق بھی ہوجائے کہ انہیں انفیکشن نہیں ہے پھر بھی حکام ان افراد سے عہد لیں گے کہ وہ کانٹیکٹ ٹریسنگ ایپ ڈاؤن لوڈ کریں اور اپنی نقل و حرکت کا ریکارڈ رکھیں اور خود کو 14 روز تک لازمی قرنطینہ میں رکھنا ہوگا چاہے رپورٹ منفی ہو یا مثبت۔
اس وقت جاپان میں داخل ہونے والے بعض افراد خود کو قرنطینہ میں رکھنے سے انکار کر دیتے ہیں اور انہیں قانونی طور پر مجبور نہیں کیا جا سکتا ہے۔
