سڈنی: آسٹریلیا کے خلاف برسبین ٹیسٹ میچ سے قبل بھارتی کھلاڑیوں کی جانب سے کوروناایس او پیز کی خلاف ورزی پر قانون ساز اسمبلی کی رکن نے مہمان ٹیم کو آخری وارننگ دے دی۔
تفصیلات کے مطابق کوئنز لینڈ قانون ساز اسمبلی کی رکن روس بیٹس نے بھارتی ٹیم کو وارننگ دیتے ہوئے کہا کہ اگر برسبین میں بھارتی ٹیم کے قرنطینہ قانون کی پاسداری نہیں کی تو انہیں خوش آمدید نہیں کہا جائے گا۔
دوسری جانب کوئنز لینڈ کے وزیر کھیل ٹم مانڈر کا بھی کہنا ہے کہ ایک ہی اصول سب پر لاگو ہوں گے، بھارتی ٹیم کی شکایات پر غور نہیں کیا گیا، کورونا کی پابندیوں کی خلاف ورزی برداشت نہیں کی جائے گی اگر بھارتی ٹیم قانون پر عمل نہیں کرتی تو ان کا خیرمقدم نہیں کیا جائے گا۔
Today I was asked about reports the Indian Cricket Team wants quarantine restrictions eased just for them, ahead of the upcoming Gabba Test. My response 👇 #Cricket #IndiavsAustralia @ICC @CricketAus pic.twitter.com/MV7W0rIntM
— Ros Bates MP (@Ros_Bates_MP) January 3, 2021
اس سے قبل بھارتی ٹیم نے برسبین ٹیسٹ سے متعلق امور اٹھائے تھے کہ وہ آخری ٹیسٹ سے قبل قرنطینہ کی سخت پابندیوں سے خوش نہیں ہیں۔
مزید پڑھیں: بھارتی کھلاڑیوں کو ریسٹورنٹ جانا مہنگا پڑ گیا
ذرائع کے مطابق بھارتی ٹیم کے عہدیدار کا کہنا تھا کہ ہماری ٹیم کے ساتھ آسٹریلوی شہریوں کی طرح سلوک کیا جائے گا، کھلاڑی کورونا پروٹوکول کے دوران مکمل تعاون کررہے ہیں اور وہ ایسی صورتحال سے اچھی طرح واقف ہیں۔
واضح رہے کہ بھارت اور آسٹریلیا کے درمیان چوتھا اور آخری ٹیسٹ 15 جنوری سے برسبین میں شیڈول ہے، اس سے قبل دونوں ٹیموں کے درمیان تیسرا ٹیسٹ سڈنی میں کھیلا جائے گا، دونوں ٹیموں کے درمیان سیریز 1-1 سے برابر ہے۔
