لندن: برطانوی ماہرین نے شہریوں کو متنبہ کیا ہے کہ پالتو جانور رکھنے والے افراد احتیاطی تدابیر اپنائیں تاہم جانورں سے کروناوائرس شہریوں میں منتقل ہونے کے کوئی معقول اسباب سامنے نہیں آئیں۔
غیرملکی خبررساں ادارے کی رپورٹ کے مطابق حالیہ دنوں ہانگ کانگ میں ایک کتے میں کروناوائرس کا کیس سامنے آیا تھا جس کے بعد سے پالتوں جانوروں سے احتیاط برتنے کی ہدایات سامنے آرہی ہیں۔
ماہرین کو شک ہے کہ کروناوائرس کی کا جنم بھی کسی جانور سے ہوا ہے، کئی کا کہنا ہے کہ چمگادڑ کے ذریعے مہلک وائرس چین میں آیا اور پوری دنیا میں آہستہ آہستہ پھیل رہا ہے جس کے اموات کا سلسلہ بھی جاری ہے۔
کرونا وائرس سے اموات کی تعداد 3200 سے تجاوز کرگئی ،50 ہزار سے زائد افراد صحتیاب
برطانوی ماہرین نے پالتو جانور رکھنے والے شہریوں کو ہدایت کی ہے کہ وہ کروناوائرس سے نہ گھبرائیں البتہ جانورں کو چھونے یا پھر اسے غذا فراہم کرنے کے بعد اچھی طرح ہاتھ دھوئیں، احتیاط بہت ضروری ہے۔
’خود کو اور پالتوں جانورں کو کرواناوائرس سے بچانے کے لیے ہرممکن کوششیں کریں‘‘۔
خیال رہے کہ دنیا بھر میں کرونا وائرس سے اموات کی تعداد 3203 ہوگئی جبکہ 76 ممالک میں 93ہزار160افراد وائرس کا شکار ہیں اور 50 ہزار سے زیادہ افراد صحت یاب ہوچکے ہیں۔
