پاکستان کی سینئر اداکارہ عفت عمر کے رقص کی ویڈیو پر صارفین نے انہیں آڑے ہاتھوں لے لیا۔
عفت عمر پاکستان کی ماڈل اور اداکارہ کے ساتھ ہوسٹ بھی ہیں، اداکارہ نے اپنے شوبز کیریئر کا آغاز نوے کی دہائی میں ماڈلنگ سے کیا جبکہ انہیں سیاست میں بھی خوب دلچسپی ہے جس کے باعث وہ تنقید شکار رہتی ہیں۔
View this post on Instagram
- Advertisement -
تاہم اب فوٹو اینڈ شیئرنگ ایپ انسٹاگرام پر عفت عمر نے ایک ڈانس کی ویڈیو جاری کی جو انہوں نے کسی شادی کی تقریب میں کیا تھا۔
ویڈیو میں اداکارہ کو پنجابی گانوں پر دلفریب ادائیں دکھاتے رقص کرتے دیکھا جاسکتا ہے، ان کی اس ڈانس پر حاضرین نے انہیں خوب سراہا لیکن سوشل میڈیا صارفین نے ویڈیو پر تنقید کی ہے۔
واضح رہے کہ اداکارہ عفت عمر بھی متعدد ڈراموں میں اداکاری کے جوہر دکھا چکی ہیں، اداکارہ نے اے آر وائی ڈیجیٹل کے ڈرامہ سیریل ’بے رخی‘ میں منفی کردار نبھایا تھا۔
