بدھ, جولائی 2, 2025
اشتہار

عفت عمر کا مستحق افراد کو جیب خرچ سے پرائیوٹ کرونا ویکسین لگوانے کا اعلان

اشتہار

حیرت انگیز

کراچی: پاکستانی اداکارہ اور ماڈل عفت عمر اپنی غلطی کا ازالہ کرنے کے لیے 10 افراد کو اپنی جیب خرچ سے کرونا ویکسین لگوانے کا اعلان کردیا۔

گزشتہ ماہ مارچ میں وفاقی وزیر طارق چیمہ اور اہل خانہ کے  ساتھ عفت عمر نے بھی ویکسین لگوائی، جس کی ویڈیو سامنے آنے پر وہ بہت زیادہ شرمندہ بھی ہوئیں تھیں۔

ویڈیو سامنے آنے کے بعد جہاں وفاقی وزیر کو اثر رسوخ استعمال کرنے پر تنقید کا نشانہ بنایا گیا وہیں صارفین نے سوشل میڈیا پر عفت عمر کو بھی شدید کا نشانہ بنایا تھا۔

عفت عمر نے 3 روز قبل سماجی رابطے کی ویب سائٹ پر ایک ٹویٹ کیا، جس میں انہوں نے اپنی عمر کے لوگوں سے پہلے اور اثر و رسوخ سے ویکسین لگوانے پر معافی مانگی تھی۔

انہوں نے لکھا تھا کہ ’میں بہت شرمندہ ہوں، اپنے کیے پر معذرت اور  تہہ دل سے معافی کی طلب گار ہوں، اس پر توبہ بھی کروں گی‘۔ عفت عمر نے واضح  کیا کہ وہ ویکسین کی دوسری خوراک نہیں لگوائیں گی۔

مزید پڑھیں: عفت عمر نے معافی مانگ لی

اس پوسٹ پر ایک صارف نے  عفت عمر کو مخاطب کرتے ہوئے کہا کہ ’غلطی کا اعتراف اور اس پر شرمندہ ہو کر معافی مانگنا اچھا عمل ہے، کیا ہی اچا ہو عفت عمر مستحق افراد کو نجی اسپتال سے اپنی جیب خرچ سے کرونا ویکسین لگوائیں‘۔

اس ٹویٹ کے جواب میں عفت عمر نے لکھا کہ میں دس افراد کو اپنے خرچ پر نجی اسپتال سے کرونا ویکسین لگواؤں گی۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں