پاکستان شوبز انڈسٹری کے معروف اداکار افتخار ٹھاکر نے انکشاف کیا ہے کہ مرحوم اداکار قویٰ خان ضرورت مند گھرانوں کی بچیوں کے رشتے ڈھونڈ کر شادیاں کرواتے تھے۔
پاکستان شوبز انڈسٹری کے معروف اداکار و ہوسٹ افتخار ٹھاکر نے ایک پوڈ کاسٹ میں شرکت کی جہاں انہوں نے اپنی نجی زندگی سے متعلق کھل کر بات کی۔
اس پوڈ کاسٹ میں انہوں نے اپنے قریبی دوست مرحوم لیجنڈ اداکار قوی خان کے بارے میں انکشاف کیا، انہوں نے بتایا کہ قوی خان کی ملتان شہر کے اندر ایک فاؤنڈیشن ہے جو غریب لڑکیوں کے رشتے کرواتی ہے۔
افتخار ٹھا کر نے کہا کہ قوی خان کی یہ فاؤنڈیشن گزشتہ 30 سالوں سے لڑکیوں کیلئے بہترین رشتے اور جہیز کا مکمل انتظام کرتی ہے، اس میں پہلے لڑکیوں کے لیے اچھے رشتے ڈھونڈے جاتے ہیں اور پھر ان کے لیے مکمل جہیز تیار کروایا جاتا ہے یہی نہیں بلکہ فاؤنڈیشن شادی کے بعد بھی بچیوں سے رابطے میں رہتی ہے۔
اُنہوں نے بتایا کہ قویٰ خان انتقال کر گئے ہیں لیکن ان کے جانے کے بعد اس فاؤنڈیشن کے پاس اب بھی اتنے فنڈز موجود ہیں کہ یہ کئی سالوں تک اپنا کام جاری رکھ سکتی ہے۔
