کراچی: آئی جی کاؤنٹر ٹیررازم ڈپارٹمنٹ نے دہشت گردی کے خلاف قائم کی جانے والی خصوصی فورس سی ٹی ڈی کو نئی ہدایات جاری کردیں جس کے تحت آئندہ چھاپہ مارنے یا گرفتاری سے قبل اعلیٰ افسران سے اجازت لینا ضروری ہوگی۔
تفصیلات کے مطابق ملک بھر میں دہشت گردی کے خلاف جاری آپریشن کے خلاف بنائی جانے والی خصوصی فورس سی ٹی ڈی کے خلاف شکایات موصول ہونے کے بعد آئی جی کاؤنٹر ٹیررازم ڈپارٹمنٹ نے نئی پابندیاں عائد کردیں۔
آئی جی کی جانب سے عائد کی گئی پابندیوں کے بعد تمام سی ٹی ڈی اہلکاروں کو ہدایات جاری کی گئیں ہیں کہ پورے ملک اور بالخصوص کراچی میں چھاپے یا گرفتاری سے قبل اعلیٰ افسران کو اعتماد لینا لازم ہوگا۔
پڑھیں: ’’ راولپنڈی: سی ٹی ڈی کی کارروائی، داعش کا کارکن ہلاک ‘‘
خیال رہے دو روز قبل کراچی سی ٹی ڈی کی تحویل میں ایک شخص جاں بحق ہوگیا تھا جس کی لاش سرکاری اسپتال پہنچائی گئی، اسپتال حکام کے مطابق مقتول کے جسم پر تشدد کے نشانات تھے تاہم سی ٹی ڈی نے موقف اختیار کیا ہے کہ ملزم تفتیش کے دوران بھاگنے کی کوشش کررہا تھا۔
مزید پڑھیں: ’’ سی ٹی ڈی کی کارروائی، داعش کے 8 دہشت گرد گرفتار ‘‘
0
20
