لاہور: آئی جی پنجاب پولیس عارف نواز خان نے فیروزوالا میں 4 افراد کے قتل کا نوٹس لیتے ہوئے واقعے کی رپورٹ طلب کرلی۔
تفصیلات کے مطابق شیخوپورہ میں اراضی کے تنازع پر دو گروپوں کے درمیان فائرنگ کے نتیجے میں 4 افراد جاں بحق ہوگئے۔
فائرنگ کے واقعے میں قتل ہونے والوں کی شناخت یوسی چیئرمین محمد افضل، عدیل، اجمل اور محمد جمیل کے ناموں سے ہوئی ہے۔
پولیس حکام کے مطابق مقتول محمد افضل یونین کونسل نمبر 108 گجرپورہ کا چیئرمین تھا۔
دوسری جانب آئی جی پنجاب پولیس عارف نواز خان فیروزوالا میں 4 افراد کے قتل کا نوٹس لیتے ہوئے ڈی پی او سے واقعے کی رپورٹ طلب کرلی۔
ترجمان پنجاب پولیس کے مطابق آئی جی پنجاب نے ملزمان کے خلاف فوری سخت قانونی کارروائی کی ہدایت کی ہے۔
لاہور: قصاب کی دکان پر فائرنگ، 3 افراد قتل
یاد رہے کہ رواں سال 25 فروری کو لاہور کے علاقے باغبان پورہ میں نامعلوم ملزمان نے قصاب کی دکان پر فائرنگ کرکے تین افراد کو قتل کردیا تھا۔
پولیس حکام کے مطابق قتل ہونے والوں میں دو بھائی بھی ہیں جن کی شناخت 35 سالہ غنی اور زین کے نام سے ہوئی جبکہ ان کے ملازم کی شناخت معراج دین کے نام سے کی گئی۔
