site
stats
سندھ

صوبائی حکومت نے آئی جی سندھ پر نئی پابندی عائد کردی

کراچی : حکومت اور آئی جی سندھ کے درمیان تنازعات شدت اختیار کرگئے، سرد جنگ نے نیا رخ اختیار لیا۔ اب آئی جی سندھ صوبائی ہیڈ کوارٹر سے باہر جانے کیلئے اجازت کے پابند ہونگے۔

تفصیلات کے مطابق وزیر اعلیٰ سندھ سید مراد علی شاہ کی ہدایت پر اے ڈی خواجہ کو حکم نامہ جاری کردیا گیا،آئی جی سندھ اور حکومت سندھ میں سرد جنگ شدت اختیار کر گئی۔ اے ڈی خواجہ کیلیے سندھ حکومت نے نیا حکم نامہ جاری کردیا۔

محکمہ سروسز جنرل ایڈمنسٹریشن کے حکم نامے کے مطابق آئی جی سندھ سیکریٹری داخلہ کی اجازت کے بغیرہیڈ کوارٹر نہیں چھوڑ سکتے۔

تحریری حکم نامہ وزیر اعلیٰ سندھ کی ہدایت پر جاری کیا گیا، اے ڈی خواجہ اور حکومت سندھ میں اس وقت اختلافات کھل کر سامنے آئے جب آئی جی سندھ نے نئے صوبائی وزیر داخلہ کے اجلاس میں شرکت نہ کی۔

اس کے علاوہ آئی جی سندھ اے ڈی خواجہ نے اپنے ماتحت افسران کو بھی اجلاس میں شرکت کیلیے اجازت لینے کی شرط رکھی تھی۔

اس اقدام کے بعد حکومت سندھ نے پولیس افسران کی چھٹیوں کی منظوری کو چیف سیکریٹری کی منظوری سے مشروط کردیا تھا اور اب نئے حکم نامے کے تحت آئی جی سندھ صوبائی ہیڈکوارٹر سے باہر جانے کیلئے اجازت کے پابند ہونگے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top