کراچی : وزیراعلی سندھ مرادعلی شاہ نے خط میں وزیراعظم عمران خان سے مطالبہ کیا ہے کہ کلیم امام کو آئی جی کے عہدے سےہٹایا جائے، وفاقی کابینہ کا آئی جی پرفیصلہ 1993کےمعاہدے کےخلاف ہے۔
تفصیلات کے مطابق آئی جی سندھ کی تعیناتی پر حکومت اور سندھ حکومت میں ڈیڈلاک برقرار ہے ، وزیراعلی سندھ مرادعلی شاہ نے وزیراعظم عمران خان کوایک اور خط لکھا ، وِزیراعلی سندھ کا یہ تیسرا خط ہے۔
خط میں بھیجےگئےپانچوں ناموں میں سےکسی ایک کوآئی جی سندھ مقرر کرنےپراصرار کیا گیا اور کہا گیا کلیم امام کو آئی جی کے عہدے سےہٹایا جائے ، وفاقی کابینہ کا آئی جی پرفیصلہ 1993کےمعاہدے کےخلاف ہے۔
مراد علی شاہ کا کہنا تھا کہ ڈاکٹر کلیم امام کا رویہ سندھ میں نفرتوں کا سبب بن رہا ہے ، کلیم امام غیر سنجیدہ اور غیرمہذب رویے سےصوبائی حکومت کی توہین کر رہے ہیں، آپ کےمشورے پر ہی آئی جی پولیس کی تبدیلی کا عمل شروع کیا۔
دوسری جانب وزیراعلیٰ سندھ مرادعلی شاہ کی اسلام آباد میں اہم ملاقاتیں ہوئی ، اسدعمر سے ملاقات میں آئی جی سندھ کے معاملے پر بات چیت ہوئی ، وزیراعلیٰ سندھ کا کہنا تھا کہ خان صاحب نےآئی جی سندھ تبدیل نہیں کرناتھاتوپہلےانکارکرتے، کابینہ حیرت میں ہےوزیراعظم کووعدہ یاد دلائیں۔
مزید پڑھیں : وفاق کا آئی جی سندھ ڈاکٹر کلیم امام کو تبدیل نہ کرنے پر غور
ذرائع وزیراعلی کے مطابق ملاقات میں صوبہ سندھ کےترقیاتی منصوبوں پربھی تبادلہ خیال کیاگیا جبکہ گریٹرکراچی واٹرسپلائی اسکیم منصوبہ بھی زیر غور آیا اور کراچی سرکلرریلوےمنصوبے،حیدرآباد یونیورسٹی کےفنڈز کاجائزہ لیاگیا۔
ذرائع کاکہنا ہے کہ وزیراعلی پرامید ہے کہ اآئی جی جلدتبدیل ہوگا تاہم سندھ میں آئی جی سندھ کےحل تک وفاق سے تعاون نہ کرنےکادباؤہے۔
خیال رہے کہ وفاق نے آئی جی سندھ کی تعیناتی کے لئے حکومت سندھ کے دیے گئے نام مسترد کر دیے تھے اور عمران احمر کے بعد ڈاکٹر امیر شیخ کا نام دیا تھا ، جب کہ آئی جی کلیم امام نے عمران یعقوب کا نام تجویز کیا تھا۔ دوسری طرف سندھ حکومت کا مشتاق مہر، غلام قادر تھیبو اور کامران فضل کے ناموں پر اصرار ہے۔
وفاق نے سندھ حکومت کودو ٹوک پیغام دیا ہے کہ گورنر عمران اسماعیل سے مشاورت تک آئی جی تبدیل نہیں ہوگا۔
