کراچی : آئی جی سندھ نے کراچی پولیس آفس پر حملے کے بعد سینٹرل پولیس آفس میں تعینات عملے کی تربیت کا فیصلہ کرلیا۔
تفصیلات کے مطابق کراچی پولیس آفس پر حملے کے معاملے پر آئی جی سندھ اہم اقدام اٹھاتے ہوئے سینٹرل پولیس آفس میں تعینات عملے کی تربیت کا فیصلہ کرلیا۔
آئی جی سندھ کی جانب سے تمام افسران کو جاری ہدایت میں کہا گیا کہ ایسے عملے کی تفصیل فراہم کی جائیں جو لائسنس یافتہ یا لائسنس حاصل کرنے والا ہو۔
پولیس حکام کا کہنا ہے کہ عملے کو اسپیشل سیکیورٹی یونٹ میں ایک روزہ تربیت دی جائے گی، تربیت کا مقصد ممکنہ خطرے کے پیش نظر خود کی حفاظت ہے۔
