The news is by your side.

Advertisement

ضمنی الیکشن میں ضابطہ اخلاق پرعملدرآمد یقینی بنایا جائے‘ آئی جی سندھ

کراچی: آئی جی سندھ پولیس سید کلیم امام کا کہنا ہے کہ ضمنی انتخابات میں سیکیورٹی اقدامات میں غفلت ناقابل برداشت ہوگی۔

تفصیلات کے مطابق آئی جی سندھ سید کلیم امام کا کہنا ہے ضمنی الیکشن میں ضابطہ اخلاق پر عملدرآمد یقینی بنایا جائے۔

سید کلیم امام نے کہا کہ پولنگ کاعمل شفاف اورغیر جانبداربنایا جائے، خفیہ اطلاعات کی بر وقت شیئرنگ یقینی بنائی جائے۔

آئی جی سندھ پولیس نے مزید کہا کہ سیکیورٹی اقدامات میں غفلت ناقابل برداشت ہوگی۔

ضمنی الیکشن: قومی وصوبائی اسمبلیوں کی 3 نشستوں پر پولنگ شروع

کراچی کی دو نشستوں پر ہونے والے ضمنی انتخاب میں تحریک انصاف، ایم کیوایم اور پیپلزپارٹی میں کانٹے کا مقابلہ متوقع ہے۔

قومی اسمبلی کی نسشت این اے 247 پرہونے والے ضمنی انتخاب میں پی ٹی آئی کے آفتاب صدیقی، ایم کیو ایم کے صادق افتخار، پیپلزپارٹی کے قیصرنظامانی اور پی ایس پی کے ارشد وہرہ میدان میں ہیں۔

سندھ اسمبلی کے حلقہ پی ایس 111 پرہونے والے ضمنی الیکشن میں پاکستان تحریک انصاف کے شہزاد قریشی، ایم کیو ایم کے جہانزیب مغل، پیپلزپارٹی کے فیاض پیرزادہ ، پی ایس پی کے یاسر الدین اور آزاد امیدوار جبران ناصر بھی حصہ لے رہے ہیں۔

الیکشن کمیشن کے مطابق قومی اسمبلی کے حلقہ این اے 247 میں رجسٹرڈ ووٹرز کی تعداد 5 لاکھ 46 ہزار 451 اور پی ایس 111 میں تعداد 1 لاکھ 78 ہزار 965 ہے۔

این اے 247 کے لیے 240 پولنگ اسٹیشنز اور پی ایس 111 کے لیے 80 پولنگ اسٹیشنز بنائے گئے ہیں۔

الیکشن کمیشن آف پاکستان کے مطابق این اے 247 میں 12 جبکہ پی ایس 111 میں 16 امیدوار الیکشن لڑرہے ہیں۔

Comments

comments

یہ بھی پڑھیں