The news is by your side.

Advertisement

سندھ بھر میں اتائی ڈاکٹرز کے خلاف کریک ڈاؤن کیا جائے، آئی جی سندھ

کراچی: آئی جی سندھ کلیم امام نے کہا ہے کہ سندھ بھر میں اتائی ڈاکٹروں کے خلاف کریک ڈاؤن کیا جائے۔

تفصیلات کے مطابق ہیلتھ کیئر کمیشن اور پولیس میں مربوط روابط سے متعلق اعلیٰ سطح کا اجلاس ہوا جس میں سی او ڈاکٹر منہاج قدوائی نے ہیلتھ کیئر کمیشن کے امور پر خصوصی بریفنگ دی۔

آئی جی سندھ سید کلیم امام نے کہا کہ صوبے میں اتائی ڈاکٹرز، نرسز کے خلاف کریک ڈاؤن یقینی بنایا جائے، یہ انسانی زندگی، صحت کا معاملہ ہے جس پر عمل درآمد ضروری ہے۔

انہوں نے کہا کہ تھانوں کی حدود میں اتائی ڈاکٹرز، نرسنگ اسٹاف کی فہرستیں تیار کی جائیں، ہیلتھ کیئر کمیشن کو پولیس فوکل پرسنز کی فہرست بھی فراہم کی جائے۔

مزید پڑھیں: پولیس کی فائرنگ سے کم سن بچے کی ہلاکت کا معاملہ، آئی جی سندھ نے معافی مانگ لی

آئی جی سندھ سید کلیم امام نے کہا کہ انسانی صحت سے کھیلنے والوں سے کوئی رعایت نہ برتی جائے۔

انہوں نے کہا کہ ہائی ویز، ذیلی شاہراہوں، بارڈر ایریاز، ناکوں اور بالخصوص چیک پوسٹوں پر سرچنگ، پیٹرولنگ اور اسنیپ چیکنگ کو مربوط اور موثر بنایا جائے۔

دوسری جانب کوسٹل ہائی وے پر مسافر بس پر دہشت گردانہ حملے کے تناظر میں آئی جی سندھ نے سندھ بھر میں سیکیورٹی اقدامات مزید ٹھوس اور مربوط بنانے کے احکامات جاری کیے۔

Comments

comments

یہ بھی پڑھیں