کراچی : آئی جی سندھ کی نجی و سرکاری اسکولوں کی سیکیورٹی سخت کرنے ہدایت کردی ہے، اسکول انتظامیہ کی ذمے داریاں بڑھ گئیں.
آئی جی سندھ کا کہنا ہے کہ سرکاری اسکول ہو یا نجی سب سے پہلے ہر اسکول میں ایک سیکیورٹی اور سیفٹی کے لئے کمیٹی بنائی جائے، اسکول انتظامیہ علاقے کی پولیس اور سیکیورٹی ایجنسی سے رابطے میں رہے اور اسکول کے حوالے حفاظتی مشقوں کا بھی انعقاد کرایا جائیں.
انکا کہنا ہے کہ انتظامیہ اسکول کا چوکیدار یا سیکیورٹی گارڈز رکھنے سے پہلے مکمل تحقیقات کرلیں، اسکول کے داخلی اور خارجی راستوں پر نگرانی سخت کی جائے اور سی سی ٹی وی کیمروں سے نگرانی اس وقت کی جائے جب تک اسکول سے تمام طلبہ اور طالبات اور اسٹاف چلے نہیں جاتے.
اسمبلی کا ائریا مکمل طور پر محفوظ بنایا جائے اور کوشش کی جائے کہ روزانہ اسمبلی ہال میں بچوں کو جمع کرنے کے بجائے کلاس میں اسمبلی کا انعقاد کیا جائے، چیک پوسٹ کا قیام سمیت اسکول کی سیکیورٹی کے فل پروف اقدامات کئے جائے اور بچوں میں بھی آگاہی پروگرام کا انعقاد کیا جائے.
