اسلام آباد ہائیکورٹ نے پاکستان تحریک انصاف (پی ٹی آئی) کے رہنما کو عمرے کی ادائیگی کے لیے جانے کی اجازت دے دی۔
تفصیلات کے مطابق اسلام آباد ہائی کورٹ کے چیف جسٹس عامر فاروق نے عامر ڈوگر کی درخواست پر سماعت کی، کسی لسٹ میں نام نہ ہونے پر پی ٹی آئی رہنما عامر ڈوگر کو ایک بار بیرون ملک جانے کی اجازت مل گئی۔
اسلام آباد ہائیکورٹ نے عامر ڈوگر کو عمرے کی ادائیگی کے لیے بیرون ملک جانے کی اجازت دیتے ہوئے کہا کہ عامر ڈوگر 3 سے 9 اپریل تک عمرہ ادائیگی کیلئے بیرون ملک جا سکتے ہیں۔
- Advertisement -
اسلام آباد ہائیکورٹ نے عامر ڈوگر کی درخواست پر فریقین کو 22 اپریل کے لیے نوٹس جاری کرتے ہوئے انہیں ڈپٹی رجسٹرار کے پاس بیان حلفی جمع کرانے کی ہدایت جاری کردی۔
