The news is by your side.

Advertisement

خواجہ آصف نا اہلی کیس، سماعت کیلئے نیا بینچ تشکیل

اسلام آباد : وزیر خارجہ خواجہ آصف نا اہلی کیس کی سماعت کیلئے نیا بینچ تشکیل دیدیا گیا، کیس کی سماعت پانچ اپریل ہوگی۔

تفصیلات کے مطابق پی ٹی آئی رہنما عثمان ڈار کی درخواست پر خواجہ آصف نا اہلی کیس کی سماعت کیلئے نیا بینچ تشکیل دیدیا گیا، اسلام آبادہائی کورٹ میں تین رکنی بینچ کی سربراہی جسٹس اطہرمن اللہ کریں گے، کیس کی سماعت پانچ اپریل ہوگی ۔

یاد رہے کہ جسٹس گل حسن اورنگزیب کی جانب سےسماعت سے معذرت پر بینچ ٹوٹ گیا تھا اور نئے بینچ کے لیے کیس چیف جسٹس اسلام آباد ہائی کورٹ انور خان کاسی کو بھجوایا گیا تھا۔


مزید پڑھیں :  خواجہ آصف نا اہلی کیس، جسٹس میاں گل حسن اورنگزیب کی سماعت سے معذرت


اس سے قبل سماعت میں عثمان ڈار کی جانب سے خواجہ آصف کی نا اہلی کے لیے مزید دستاویزات عدالت میں جمع کرائےگئے تھے، دستاویزات میں کہا گیا تھا کہ خواجہ آصف ماہانہ 16 لاکھ تنخواہ لے رہے ہیں، خواجہ آصف نے غیر ملکی کمپنی کے ساتھ آٹھ گھنٹے کام کا معاہدہ کیا خواجہ آصف نے غیر ملکی تنخواہ 2012 اور 2013 کے انکم ٹیکس گوشواروں میں ظاہر نہیں کی۔

خیال رہے کہ وزیر خارجہ کےخلاف درخواست تحریک انصاف کے رہنما عثمان ڈار نے دائر کررکھی ہے ، جس میں کہا گیا کہ  خواجہ آصف نے اقامہ الیکشن کمیشن سے چھپایا اور سرکاری عہدے پرغیر ملکی کمپنی کی ملازمت کی، خواجہ آصف کروڑوں روپےکی منی لانڈرنگ میں ملوث ہیں۔


مزید پڑھیں : خواجہ آصف وفاقی وزیر ہونے کے ساتھ دبئی کمپنی کےملازم نکلے


درخواست میں تنخواہ چھپانے پر آرٹیکل 62کے تحت نااہل قرار دینے کی درخواست کی گئی ہے۔

واضح رہے سیالکوٹ سے خواجہ آصف کے حلقے سے پی ٹی آئی کے امید وار عثمان ڈار نے سماجی رابطے کی ویب سائٹ ٹوئٹر پر خواجہ آصف کے اقامے کی کاپی جاری کی تھی، جس کے مطابق خواجہ آصف بھی دبئی کی کمپنی میں ملازم ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں