اسلام آباد : جسٹس طارق محمود جہانگیری کیخلاف سوشل میڈیا مہم پر توہین عدالت کی کارروائی کا فیصلہ کرلیا گیا۔
تفصیلات کے مطابق اسلام آباد ہائیکورٹ کے جسٹس طارق محمود جہانگیری کیخلاف سوشل میڈیا مہم کے حوالے سے اسلام آباد ہائیکورٹ نے بڑا فیصلہ کرلیا۔
اسلام آباد ہائی کورٹ نے سوشل میڈیا مہم پر توہین عدالت کی کارروائی کا فیصلہ کرتے ہوئے فل کورٹ تشکیل دے دیا۔
- Advertisement -
اسلام آباد ہائیکورٹ کا فل کورٹ توہین عدالت کارروائی کی کچھ دیر میں سماعت کرےگا ، جسٹس طارق محمود کے سوا دیگر تمام ججز بینچ کا حصہ ہوں گے۔
چیف جسٹس عامرفاروق توہین عدالت کارروائی کیلئے فل کورٹ بینچ کی سربراہی کریں گے جبکہ جسٹس محسن اختر کیانی ،جسٹس گل حسن اورنگزیب ،جسٹس بابر ستار ، جسٹس سردار اعجاز اسحاق ،جسٹس ارباب محمد طاہر ،جسٹس ثمن رفعت امتیاز بینچ میں شامل ہیں۔
