اسلام آباد : اسلام آبادہائیکوٹ نے شہباز گل کےمغوی بھائی کو 6 اگست تک بازیاب کراکر پیش کرنے کا حکم دےدیا، جسٹس میاں گل حسن اورنگزیب نے ریمارکس دیئے ہم سخت آرڈرکریں توججزکیخلاف کارروائی شروع ہوجاتی ہے۔
تفصیلات کے مطابق اسلام آباد ہائیکورٹ میں شہبازگل کےلاپتہ بھائی غلام شبیرکی بازیابی کی درخواست پر سماعت ہوئی، جسٹس میاں گل حسن اورنگزیب نے کیس کی سماعت کی۔
درخواست گزار نے کہا کہ عدالت نےگزشتہ سماعت پرمغوی کوپیش کرنےکاحکم دیاتھا، اسٹیٹ کونسل کا کہناتھا کہاداروں کی رپورٹس کےمطابق مغوی ان کی حراست میں نہیں۔
ڈپٹی اٹارنی جنرل نے کہا کہ ایک ادارے نے مغوی کی موجودگی سے انکار کیا دوسرے نے وقت مانگا، جس پر جسٹس میاں گل حسن اورنگزیب نے ریمارکس دیئے پہلے بندہ اٹھانےکیلئے ایس ایچ او کو کہاجاتا تھا اب حکومت خودپالیسی کےمطابق یہ کرتی ہے۔
عدالت نے استفسار کیا اسٹیٹ کونسل صاحب آپ عدالت کےجذبات کس کوبتائیں گے؟ جس پر اسٹیٹ کونسل عبدالرحمان نے بتایا کہ میں چیف کمشنر اور آئی جی اسلام آباد کو خود بتاؤں گا تو عدالت کا کہنا تھا کہ وہ کیاکر لیں گے؟پھر ہم نے توان کے ہی خلاف آرڈرکرنےہیں۔
جسٹس میاں گل حسن اورنگزیب نے ریمارکس دیئے ہماری باتوں سے ان کوفرق نہیں پڑنا اتنی موٹی کھال ہے ، عدالتیں اب کیا کرسکتی ہیں؟ ادارے جب کہتے ہیں ہمیں نہیں پتہ یہ سب سےخطرناک ہے، ریاست کہتی ہے ہمیں نہیں پتہ بندہ کہاں ہےلیکن کچھ کرینگے بھی نہیں۔
اسلام آباد ہائی کورٹ کے جج کا کہنا تھا کہ وزارت دفاع کی ہمت ہےکہ وہ ان معاملات میں جائے؟ ہم سخت آرڈرکریں توججزکیخلاف کارروائی شروع ہوجاتی ہے، عبدالرحمان چیمبر میں آنا ڈگری دکھادوں گا کہ اصل ہے، خود ڈگری دکھادوں آپ کوتلاش کرنے کی ضرورت نہیں پڑے گی، پرانی ہائیکورٹ عمارت میں ڈگری دیوار پر لگی ہوئی تھی۔
جسٹس میاں گل حسن نے سوال کیا 10 دن پہلے درخواست دائر ہوئی،حکومت نے اب تک کیا کیا؟ آج میں جو آرڈر کروں گا وہ وزیراعظم کے سامنے رکھا جائے، آئی جی کوکہنا تو بے فائدہ ہے،وزیر بھی کیا کرسکتے ہیں، یہ ملک کا نام بدنام کررہے ہیں۔
عدالت نے کہا ہائیکورٹ کارجسٹرارآفس عدالتی آرڈروزیراعظم کےپرنسپل سیکرٹری تک پہنچائے، بعد ازاں کیس کی سماعت6 اگست تک ملتوی کردی گئی۔
