اسلام آباد : توشہ خانہ کیس میں چیئرمین پی ٹی آئی کی سزا معطلی کی درخواست پر فیصلہ محفوظ فیصلہ آج سنایا جائے گا۔
تفصیلات کے مطابق اسلام آباد ہائی کورٹ توشہ خانہ فوجداری کارروائی کے کیس میں چیئرمین پی ٹی آئی کی سزا معطلی کی درخواست پر محفوظ فیصلہ آج سنائے گی۔
چیف جسٹس اسلام آباد ہائیکورٹ چیف جسٹس عامرفاروق کی سربراہی میں دو رکنی بینچ آج صبح گیارہ بجے فیصلہ سنائے گا۔
گذشتہ روز اسلام آباد ہائی کورٹ کے چیف جسٹس عامرفاروق اورجسٹس طارق جہانگیری نے توشہ خانہ کیس میں سابق وزیراعظم کی سزامعطلی کی درخواست کی سماعت میں دلائل مکمل ہونے پر فیصلہ محفوظ کیا تھا۔
الیکشن کمیشن کے وکیل نے سماعت ملتوی کرنے کی استدعا کرتے ہوئے کہا تھا کہ خواجہ حارث کا جمع کرایاگیا بیان حلفی نہیں دیکھا، وہ بیان حلفی دیکھنا ان کا حق ہے۔
عدالت نے الیکشن کمیشن کے وکیل کی دلائل کے لیے مزید مہلت کی استدعا مسترد کردی تھی ، وکیل الیکشن کمیشن امجدپرویز نے راہول گاندھی کیس اور الیکشن کمیشن فیصلے سمیت کئی مقدمات کے حوالے دیے تھے۔
عدالت نے استفسار کیا کہ کیا آپ نے بطورشواہد یہ ریکارڈ پیش کیا؟ تو امجد پرویز نے بتایا تھا کہ ٹرائل کورٹ میں یہ ریکارڈ پیش کرنےکی ضرورت نہیں۔
لیکشن کمیشن کے وکیل کی دلائل کےلیے مزید مہلت کی استدعا مسترد کردی تھی ، انہوں نے کہا تھا کہ خواجہ حارث کا جمع کرایا گیا، بیان حلفی نہیں دیکھا، وہ بیان حلفی دیکھنا ان کاحق ہے۔
