The news is by your side.

Advertisement

حمزہ شہباز کی عبوری ضمانت میں 25 اپریل تک توسیع

لاہور : لاہورہائی کورٹ میں حمزہ شہبازکی عبوری ضمانت میں 25اپریل تک توسیع کردی اور توہین عدالت کی درخواست پر ڈی جی نیب کونوٹس جاری کر دیئے۔

تفصیلات کے مطابق لاہور ہائیکورٹ کے جسٹس ملک شہزاد احمد ملک کی سربراہی میں دو رکنی بنچ نے رمضان شوگرملزاورصاف پانی کیس میں اپوزیشن لیڈر پنجاب اسمبلی حمزہ شہباز کی ضمانتوں کی درخواستوں پر سماعت کی ، حمزہ شہباز عدالت میں پیش ہوئے۔

وکیل حمزہ شہباز کا کہنا تھا نیب نےبہت سارےریکارڈکی کاپی نہیں دی، جوریکارڈدیاگیاوہ بھی کل شام پہنچایاگیا، نیب کی دستاویزات پرجواب کیلئےمہلت دی جائے۔

ایڈیشنل پراسیکیوٹرنیب نے دلائل میں کہا نیب نےحمزہ شہبازسےمختلف سوالات کیے، بتایاگیاحمزہ شہباز نے کہا ہے وہ سب عدالت میں بتائیں گے، حمزہ شہباز گزشتہ روز پیش ہوئےمگرجواب نہیں دیا، ریکارڈ فراہم کرچکے ہیں اب مزید توسیع نہ کی جائے۔

عدالت نے رمضان شوگر،صاف پانی اور آمدنی سے زائد اثاثہ جات میں حمزہ شہباز کی عبوری ضمانتوں میں پچیس اپریل تک توسیع کر دی۔

توہین عدالت کی درخواست پر ڈی جی نیب کو نوٹس جاری


دوسری جانب اعظم نذیر تارڑ نے کہا نیب ٹیم نے حمزہ شہباز کے گھر پر چھاپہ مار کر عدالتی حکم نظر انداز کئے، اور توہین عدالت کے مرتکب ہوئے . چھاپہ مار کر  نیب ٹیم نے خواتین کو ہراساں کیا لہذ ڈی نیب سلیم شہزاد اور ڈپٹی ڈائریکٹر اصغر چوہدری کے خلاف توہین عدالت کی کارروائی کی جائے ۔

جس پر عدالت نے حمزہ شہباز کےگھر پر چھاپہ مارنے پر نیب ٹیم کے خلاف توہین عدالت کی درخواست پرنوٹس جاری کرتے ہوئے پچیس اپریل کوجواب طلب کر لیا۔

لاہور ہائی کورٹ میں حمزہ شہباز کی پیشی کےموقع پرسخت سیکیورٹی کے انتظامات کیے گئے، 2 دو ایس پی، چھ ایس ڈی پی اور نو انسپکٹر، 49 ماتحت افسران جبکہ 590 اہلکار تعینات تھے۔

مزید پڑھیں : آمدن سےزائداثاثہ جات کیس : حمزہ شہباز نیب میں پیش

خیال رہے اثاثہ جات کیس ، رمضان شوگراورصاف پانی کیس میں عبوری ضمانت آج ختم ہورہی ہیں۔

گذشتہ روز حمزہ شہباز آمدن سےزائداثاثہ جات کیس میں نیب کے سامنے پیش ہوئے تھے ، نیب کی دو انویسٹی گیشن ٹیموں نے ان سے آمدن سےزائداثاثہ جات اور مبینہ منی لانڈرنگ پر سوالات کئے، حمزہ شہباز نے نیب ٹیموں کے سوالات پر لیت ولعل سےکام لیا اور نیب کوکل تک کاانتظارکرنےکی تلقین کرتےرہے۔

مزید پڑھیں : رمضان شوگرملزاورصاف پانی کیس ، حمزہ شہباز نے عبوری ضمانت حاصل کرلی

نیب ذرائع کا کہنا تھا حمزہ شہباز سےتفتیش سےمتعلق سینئرافسران کوآگاہ کردیاگیا، نیب حکام کی جانب سے حمزہ شہباز کو دوبارہ طلب کیےجانے کا امکان ہے۔

واضح رہے کہ  6 اپریل کو آمدن سے زائد اثاثہ جات کیس اور منی لانڈرنگ کیس میں نیب نے دو بار حمزہ شہباز کی گرفتاری کے لئے ان کے گھر پر چھاپہ مارا تھا تاہم نیب انھیں گرفتار کرنے میں ناکام رہی تھی۔

بعد ازاں لاہور ہائی کوٹ نے حمزہ شہباز کی 10 دن کی حفاظتی ضمانت منظور کرلی تھی اور اور نیب سےتفصیلی جواب طلب کرلیا تھا۔

حمزہ شہباز نے گرفتاری کے ڈر سےرمضان شوگرملزاورصاف پانی کیس میں بھی لاہورہائی کورٹ سے سترہ اپریل تک عبوری ضمانت حاصل کرلی تھی۔

Comments

comments

یہ بھی پڑھیں