The news is by your side.

Advertisement

نوازشریف کی طبی بنیادوں پردرخواست ضمانت پرسماعت آج دوبارہ ہوگی

اسلام آباد: سابق وزیراعظم نوازشریف کی طبی بنیادوں پر درخواست ضمانت پر سماعت آج ہوگی، مسلم لیگ ن کے قائد کے وکیل آج دلائل مکمل کریں گے۔

تفصیلات کے مطابق اسلام آباد ہائی کورٹ کا دو رکنی بینچ مسلم لیگ ن کے قائد نوازشریف کی طبی بنیادوں پر درخواست ضمانت پر سماعت آج کرے گا۔

سابق وزیراعظم کے وکیل خواجہ حارث آج اپنے دلائل مکمل کریں گے جس کے بعد نیب کے اسپیشل پراسیکیوٹر دلائل دیں گے۔

نوازشریف نے العزیزیہ ریفرنس سزا کے دوران علاج کے لیے درخواست ضمانت دی ہے، ریفرنس میں نوازشریف کونیب کورٹ نے7 سال قید وجرمانے کی سزا دی تھی۔

اسلام آباد ہائی کورٹ نے نواز شریف کی درخواست منظور کرلی

یاد رہے کہ گزشتہ روز اسلام آباد ہائی کورٹ کے جسٹس عامر فاروق اور جسٹس محسن اختر کیانی پر مشتمل 2 رکنی بینچ نے العزیزیہ ریفرنس میں نوازشریف کی طبی بنیادوں پر درخواست ضمانت اور مرکزی اپیل کی سماعت کی تھی۔

اسلام آباد ہائی کورٹ نے العزیزیہ ریفرنس میں ضمانت کے لیے دائر اپیل میں سابق وزیراعظم کی جانب سے اضافی دستاویزات جمع کرانے کے لیے کی گئی درخواست منظور کی تھی۔

Comments

comments

یہ بھی پڑھیں