قومی ٹیم کے فاسٹ بولر احسان اللہ نے اپنے بیان پر معاف مانگتے ہوئے ریٹائرمنٹ بھی واپس لے لی۔
نجی ٹی وی سے گفتگو کرتے ہوئے فاسٹ بولر احسان اللہ نے کہا کہ فرنچائز نے پک نہیں کیا تو لوگ بھی باتیں بنانے لگے تھے میں نے جذبات پر آکر ریٹائرمنٹ کا اعلان کردیا تھا۔
انہوں نے کہا کہ دوبارہ محنت کروں گا اور جن لوگوں نے پک نہیں کیا ہے وہ مجھے منتخب کریں گے۔
احسان اللہ نے کہا کہ انجری اب ٹھیک ہے بولنگ کررہا ہوں، بولنگ اسپیڈ 135 سے 140 آرہی ہے کوشش ہوگی کہ اس سے زیادہ اسپیڈ آجائے اور 150 سے بولنگ کرنے لگوں۔
فاسٹ بولر نے کہا کہ ڈومیسٹک میں اچھا پرفارم کرکے لوگوں کو خوش کروں گا۔
انہوں نے کہا کہ کل رات غلط فیصلہ کیا تھا فرنچائز سے بھی معذرت کرتا ہوں مجھے ایسا نہیں کرنا چاہیے، پی سی بی کا شکر گزار ہوں کے بولنگ کے لیے بلایا اور میں پھر سے کرکٹ کھیل رہا ہوں۔
احسان اللہ نے کہا کہ اگر ملتان سلطانز نے دوبارہ بلایا تو ضرور جاؤں گا اور اچھے پیس کے ساتھ واپسی ہوگی۔
PSL- پی ایس ایل سے متعلق تازہ ترین خبریں
کہنی کے آپریشن سے متعلق انہوں نے بتایا کہ علی ترین اور پی سی بی کا شکر گزار ہوں مجھے انگلینڈ بھیجا، ڈاکٹر سہیل نے مجھے بولنگ کی اجازت نہیں دی تھی، اگر کہنی سیدھی نہیں بھی ہے تو کوئی مسئلہ نہیں ہے بولنگ کرنی ہے۔
فاسٹ بولر نے کہا کہ انشا اللہ پاکستان ٹیم کے لیے اچھا کم بیک کروں گا۔
