اسلام آباد: بریگیڈیئر(ر)اعجازشاہ نےوفاقی وزیرکاحلف اٹھالیا، اعجاز شاہ کوپارلیمانی امورکی وزارت کا قلمندان دیاگیاہے، اعجازشاہ پرویزمشرف دورمیں آئی بی کے ڈائریکٹر رہ چکے ہیں۔
تفصیلات کے مطابق ایوان صدر میں بریگیڈیئر(ر)اعجازشاہ کی حلف برداری تقریب کا انعقاد کیاگیا ، تقریب میں بریگیڈیئر(ر)اعجازشاہ نےوفاقی وزیر کاحلف اٹھالیا ،صدرعارف علوی نےاعجازشاہ سے حلف لیا۔
اعجازشاہ کوپارلیمانی امورکی وزارت کا قلمندان دیاگیاہے۔
مزید پڑھیں : اعجاز احمد شاہ کو پارلیمانی امورکا وفاقی وزیر بنا دیا گیا
یاد رہے 29 مارچ کو وزیر اعظم پاکستان کے مشورے پر صدر مملکت نے بریگیڈیر (ر) اعجاز شاہ کو وفاقی وزیر بنانے کی منظوری تھی، اس ضمن میں وزیر اطلاعات فواد چوہدری کا ٹویٹ سامنے آیا تھا، جس میں انھوں نے فیصلے کی تصدیق کی تھی۔
فواد چوہدری کا کہنا تھا کہ اعجاز شاہ پارلیمانی امور کے وفاقی وزیر کی حیثیت سے ذمہ داریاں انجام دیں گے۔
خیال رہےبریگیڈیئر(ر)اعجازشاہ ننکانہ صاحب سےرکن قومی اسمبلی منتخب ہوئے اور پرویزمشرف دورمیں آئی بی کےڈائریکٹر رہ چکے ہیں جبکہ بے نظیر بھٹو نے شہادت سے قبل اپنے خط میں خود کو نقصان پہنچنے کی صورت میں جن افراد کو شامل تفتیش کرنے کی کا مطالبہ کیا تھا، ان میں اعجاز شاہ کا نام بھی شامل تھا۔
