کراچی: مختلف علاقوں میں قائم غیرقانونی مویشی منڈیوں کو ختم کردیا گیا، یہ منڈیاں عوام کےلیے شدید پریشانی کا باعث بن رہی تھیں۔
تفصیلات کے مطابق ملیر کے مختلف علاقوں میں غیرقانونی مویشی منڈیاں ختم کردی گئیں، اس کے علاوہ گلشن حدید فیز ٹو، اللہ والا چورنگی کے سامنے سے غیرقانونی منڈی ہٹائی گئی، حاجی جبلی گوٹھ اور دیہ ناراتھر میں بھی غیر قانونی منڈیاں ختم کردی گئی ہیں۔
کمشنر کراچی نے غیرقانونی منڈیوں کے خلاف دفعہ 144 نافذ کردی
چیک پوسٹ نمبر 5 گلشن عمیر اور صفورا سے بھی غیرقانونی منڈیاں ہٹادی گئیں، یہ منڈیاں نہ صرف ٹریفک جام کا باعث بن رہی تھیں بلکہ آس پاس کے لوگوں کو بھی پریشانی کا سامنا تھا۔
غیرقانونی منڈیاں ختم کرنے کے حوالے سے کمشنر نے بتایا کہ ضلع ملیر میں 15 افراد کو گرفتار کیا گیا جبکہ متعدد جانور تحویل میں لےلیے گئے ہیں۔
غیر قانونی مویشی منڈی سے تنگ شہریوں نے مسئلے کا حل ڈھونڈ لیا
