لاہور: احتساب عدالت نے غیر قانونی اراضی الاٹمنٹ کیس میں نواز شریف کے ناقابل ضمانت وارنٹ گرفتاری جاری کر دیے۔
تفصیلات کے مطابق لاہور کی احتساب عدالت میں نواز شریف اور میر شکیل الرحمان کے خلاف غیر قانونی اراضی الاٹمنٹ کیس کی جج اسد علی نے کی۔میر شکیل الرحمان کو جیل حکام کی جانب سے عدالت میں پیش کیا گیا۔
عدالت کے استفسار پر پولیس نے آگاہ کیا کہ نواز شریف کے گھر سمن نوٹس جاری کر دیے ہیں۔ نیب پراسیکیوٹر نے کہا میاں نواز شریف کی رہائش گاہ پر بتایا گیا کہ وہ چھ ماہ سے بیرون ملک ہیں، عدالت میاں نواز شریف کے ناقابل ضمانت وارنٹ گرفتاری جاری کرے۔
عدالت نے نیب کی استدعا منظور کرتے ہوئے نواز شریف کے ناقابل ضمانت وارنٹ گرفتاری جاری کر دیے اور پاکستانی ہاٸی کمیشن کو وارنٹ پر عمل درآمد کا حکم دے دیا۔
احتساب عدالت نے میر شکیل الرحمان کے جوڈیشل ریمانڈ میں 17 ستمبر تک توسیع کر دی۔
واضح رہے کہ نیب ریفرنس میں میاں نواز شریف، میر شکیل الرحمان، سابق ڈی جی ایل ڈی اے ہمایوں فیض اور میاں بشیر احمد کو نامزد کیا گیا ہے۔ ریفرنس کے مطابق میر شکیل الرحمان نے نواز شریف کی ملی بھگت سے 54 کنال زمین غیر قانونی طور پر الاٹ کروائی۔
میر شکیل کو غیر قانونی طور پر دو گلیاں بھی الاٹ کر دی گئیں۔میر شکیل اور نواز شریف کی وجہ سے قومی خزانے کو کروڑوں کا نقصان ہوا ہے۔
0
20