کراچی : ضلع جنوبی کی انتظامیہ نے روزانہ کی بنیاد پر پرائس چیکنگ کے دوران منافع خوروں کے خلاف کارروائیاں کرتے ہوئے 27دکانوں پر 126000 کی جرمانے عائد کیے۔
تفصیلات کے مطابق روزمرہ کی استعمال کے اشیاء کی قیمتوں پر کنٹرول کرنے اور کمشنر کراچی ریٹ لسٹ پر مکمل عملدرآمد کے لیے ضلع جنوبی انتظامیہ کی منافع خوروں کے خلاف روزانہ کے بنیاد پر مسلسل کارروائیاں جاری ہیں۔
ڈپٹی کمشنر کراچی جنوبی کیپٹن ریٹائرڈ محمد سعید لغاری کی زیر نگرانی پرائس چیکنگ کے دوران منافع خوروں کے خلاف روزانہ کی بنیاد پر کریک ڈاؤن جاری ہے۔27 اس دوران دکانداروں پر 126000کی جرمانے عائد کیے گئے۔
اسسٹنٹ کمشنر لیاری نے پرائز چیکنگ کے دوران منافع خوروں کے خلاف کارروائی کرتے ہوئے دودھ، گوشت اور گروسری کی 11 دکانوں پر 35000 کے جرمانے عائد کئے۔
اسسٹنٹ کمشنر سول لائن نے پرائس چیکنگ کے دوران مہنگی داموں چکی آٹا فروخت کرنے والوں کے خلاف کاروائی کرتے ہوئے 6 دکانوں پر 35000 کے جرمانے عائد کئے۔
اسسٹنٹ کمشنر صدر نے ناجائز منافع خوروں کے خلاف کاروائی کرتے ہوئے 6 گروسری اسٹورز پر 30ہزار روپے کے جرمانے عائد کئے۔ اس کے علاوہ اسسٹنٹ کمشنر گارڈن نے پرائس چیکنگ کے دوران دو آٹاچکیوں اور 4دکانوں پر 26000 کی جرمانے عائد کئے۔
اس موقع پر ڈپٹی کمشنر جنوبی کیپٹن ریٹائرڈ محمد سعید لغاری نے تمام اسسٹنٹ کمشنرز کو سخت ہدایات دیں کہ دال، چاول ، کوکنگ آئل سمیت جنرل آئٹمز کے پرائس لسٹ آویزاں نہ کرنے والے تمام جنرل اسٹورز اور منی مارکیٹ کے خلاف بھی کارروائی کی جائے۔
