قومی کرکٹ ٹیم کے سابق کپتان عماد وسیم نے ورلڈ کپ میں موجود فاسٹ بولر حارث رؤف سے متعلق دلچسپ قصہ سنادیا۔
نجی ٹی وی چینل کے اسپورٹس شو میں ہوسٹ نے آل راؤنڈر عماد وسیم سے حارث رؤف سے متعلق دلچسپ کہانی سنانے کو کہا، جس پر آل راؤنڈر نے کہا کہ انگلینڈ کے خلاف ہم میچ کھیل رہے تھے۔
انہوں نے بتایا کہ فاسٹ بولر حارث رؤف جب وکٹ لیتے ہیں تو بہت پُرجوش ہوجاتے ہیں، اسی طرح ان کی گیند پر ایل بی ڈبلیو ہوا، اور وہ ریویو پر چلا گیا لیکن حارث اتنا پُرجوش ہوگیا کہ وہ جشن منانے لگا۔
عماد وسیم نے کہا کہ ’’ہم ریویو دیکھ رہے ہیں، اور حارث جشن منانے میں مصروف، میں نے اسے کہا حارث ابھی روک جاؤ چیک کرلو، تو حارث نے کہا کہ یہ ہمیں اتنا زور سے مارتے ہیں ہم چیخ بھی نہ ماریں‘‘۔
