میکسویل کی شاندار اننگز پر دنیائے کرکٹ حیرت زدہ ہے، سابق کرکٹ اسٹارز بھی میکسویل کی اس تاریخی ڈبل سنچری پر عماد وسیم نے تعریف کی ہے۔
تفصیلات کے مطابق آئی سی سی کرکٹ ورلڈکپ میں آسٹریلیا و افغانستان کے خلاف ہونے والا میچ اب تک کا سب سے تاریخی اور سانسوں کو روک دینے والا مقابلہ تھا۔ ایک مرحلے پر آسٹریلین ٹیم کے 91 رنز پر 7 وکٹیں گر چکی تھیں اور ان کی شکست کے آثار واضح تھے۔
تاہم پھر میکسویل کا جادو ایسا چلا کہ شائقین اور ماہرین نے اب تک کی ون ڈے انٹرنیشنلز کی تاریخ ساز اننگز کا مشاہدہ کیا۔ گراؤنڈ کا کوئی کونہ ایسا نہ تھا جہاں میکس ویل نے گیند کو نہ پہنچایا ہو اور افغان بولرز کو نہ دھویا ہو۔
آسٹریلیا اور افغانستان میچ پر دلچسپ میمز کی بھرمار
افغانستان کی جانب سے دیے گئے 291 رنز کے ہدف کے تعاقب میں میکس ویل کی حیران کن اننگز کی بدولت آسٹریلیا نے 19 بالز قبل ہی یہ ہدف حاصل کرلیا۔ آسٹریلین بیٹر نے شاندار اور ناقابل شکست 201 رنز کی اننگز کھیلی۔
نجی ٹی وی چینل کے اسپورٹس شو میں گفتگو کرتے ہوئے آل راؤنڈر عماد وسیم نے کہا کہ میکسویل نے ون ڈے کی تاریخ کی بہترین اننگز کھیلی، شاید ہی کوئی اور ایسی کھیل سکے۔
انہوں نے کہا کہ ریکارڈ ٹوٹ بھی جاتے ہیں اور مسقبل میں یہ ریکارڈ ٹوٹ سکتے ہیں لیکن میکس ویل جیسی شاندار اننگز اب کوئی اور نہیں کھیل سکے گا، ورلڈ کپ میں سب سے اچھا بطور ٹیم بھارت نے کھیلا ہے۔
عماد کا مزید کہنا تھا کہ پاکستان ٹیم میں اسپنر کی کمی ہے، اسپنر کو کھلانا چاہیے۔
