ٹی 20 ورلڈ کپ میں قومی ٹیم کے آل راؤنڈر عماد وسیم کو انجرڈ ہونے پر واپس بھیجنے کی افواہیں زیر گردش ہیں۔
اے آر وائی نیوز کے پروگرام ’اسپورٹس روم‘ میں تجریہ کار شاہد ہاشمی نے بتایا کہ یہ خبریں سامنے آرہی ہیں کہ انجرڈ عماد وسیم کی جگہ لیفٹ آرم اسپنر مہران ممتاز کو تیار رہنے کی ہدایت کی گئی ہے۔
انہوں نے کہا کہ پاکستان کو پہلے ٹیکنیکل کمیٹی کو بتانا پڑے گا کہ ہمارا ایک کھلاڑی انجرڈ ہے اور ہمیں اس کی جگہ ایک کھلاڑی کو لے کر آنا ہے۔
شاہد ہاشمی نے بتایا کہ جب انجری کی تشخیص ہوجائے گی تو پھر نام کا اعلان کیا جائے گا۔
View this post on Instagram
کامران اکمل نے کہا کہ کل کا میچ دیکھ لیں اللہ کرے کہ ہم جیت جائیں اس کے بعد دوسرے کھلاڑی کے نام کا اعلان کریں۔
انہوں نے کہا کہ دوسرا کھلاڑی بھیج رہے ہیں جو ایک (ابرار احمد) رکھا ہوا ہے پہلے اس کو تو کھلا لیں۔
کامران اکمل نے کہا کہ مہران ممتاز کی جگہ اسامہ میر کو لے کر جانا چاہیے جس کے ساتھ زیادتی کی گئی ہے۔
واضح رہے کہ ٹی 20 ورلڈ کپ میں کل پاکستان اور بھارت کی ٹیمیں مدمقابل آئیں گی۔
