لاہور : امام کعبہ ڈاکٹر صالح بن محمد ابراہیم آل طالب 3 روزہ دورے پر پاکستان پہنچ گئے۔
تفصیلات کے مطابق امام کعبہ ڈاکٹر صالح بن محمد ابراہیم آل طالب 3 روزہ دورے پر لاہور پہنچ گئے، سعودی سفیر اور جمیعت اہلحدیث کے سربراہ ساجد میر سمیت علمائے کرام نے لاہور ایئرپورٹ پر ان کا استقبال کیا، اس موقع پر سکیورٹی کے انتہائی سخت انتظامات کئے گئے۔
امام کعبہ آج مرکزی جمعیت اہل حدیث کانفرنس کے پہلے روز کی آخری نشست میں بطور مہمان خصوصی شرکت کریں گے۔
امام کعبہ اپنے دورے کے دوران وزیر اعلی پنجاب اور گورنر پنجاب سے ملاقات بھی کریں گے۔
امام کعبہ ڈاکٹر صالح بن محمد آل طالب کل مرکزی جمعیت اہلحدیث کانفرنس میں جمعہ کا خطبہ دیں گے اور نماز جمعہ کی امامت بھی کرائیں گےجبکہ نماز مغرب جامعہ اشرفیہ میں اور نماز عشاء مرکز جماعت اہلحدیث لارنس روڈ پر پڑھائیں گے ۔
یاد رہے گذشتہ سال اپریل میں بھی امام کعبہ شیخ صالح بن محمد ابراہیم سعودی وزیر مذہبی امور سمیت ایک بڑے وفد کے ہمراہ 5روزہ دورے پر پاکستان آئے تھے، جہاں انھوں نے نوشہرہ میں جمعیت علماءاسلام (ف) کی صدسالہ تقریبات میں شرکت کی تھی۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
