وزیراعلیٰ پنجاب شہبازشریف سے امام کعبہ کی ملاقات -
The news is by your side.

Advertisement

وزیراعلیٰ پنجاب شہبازشریف سے امام کعبہ کی ملاقات

لاہور: امام کعبہ شیخ صالح بن محمد آل طالب کا کہنا ہے کہ پاکستان اورسعودی عرب اسٹریٹجک پارٹنر ہیں، حکومت، عوام اور پاک افواج کے تعاون کو قدر کی نگاہ سے دیکھتے ہیں۔

تفصیلات کے مطابق وزیراعلیٰ پنجاب شہبازشریف سے امام کعبہ شیخ صالح بن محمد آل طالب نے لاہور میں ملاقات کی جس میں باہمی دلچپسی کے امور پر تبادلہ خیال کیا گیا۔

اس موقع پر امام کعبہ شیخ صالح بن محمد آل طالب نے کہا کہ گزشتہ برس بھی لاہور آیا تھا اور یہاں بہت ترقی دیکھی اور اب آ کر اس ترقی میں مزید اضافہ دیکھا ہے، لاہور سمیت پنجاب تیزی سے ترقی کر رہا ہے۔

امام کعبہ نے کہا کہ پاکستان اور سعودی عرب اسٹریٹجک پارٹنر ہیں، پاکستان اورسعودی عرب کے تعلقات میں اضافہ ہو رہا ہے۔ انہوں نے کہا کہ حکومت، عوام اورپاک افواج کے تعاون کو قدر کی نگاہ سے دیکھتے ہیں، پاکستان کا خطے کے امن و استحکام میں اہم کردار ہے۔

دوسری جانب وزیراعلیٰ پنجاب نے کہا کہ سعودی عرب نے ہروقت میں پاکستان کا بھرپور ساتھ دیا ہے، پاکستان کےعوام سعودی عرب کے تعاون کو بھلا نہیں سکتے۔

شہبازشریف نے کہا کہ سعودی عرب کے ولی عہد شہزادہ محمد بن سلمان کی عوام دوست پالیسیوں کا قدر دان ہوں۔


اللہ اوررسول کی مخالفت کسی مسلمان پر جائز نہیں، امامِ کعبہ


خیال رہے کہ گزشتہ روز لاہور میں نماز جمعہ کے خطبے میں امام کعبہ شیخ صالح بن محمد آل طالب کا کہنا تھا کہ اللہ اوررسول کی مخالفت کسی مسلمان پر جائز نہیں، رسول اللہﷺ کی زندگی مشعل راہ بنانے کی ضرورت ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشلمیڈیا پرشیئر کریں۔

Comments

comments

یہ بھی پڑھیں