پشاور : امام کعبہ ابراہیم صالح الطالب خصوصی طیارے کے ذریعے پاکستان پہنچ گئے۔

تفصیلات کے مطابق امام کعبہ سعودی عرب کے وزیرمذہبی امور دیگر سعودی حکام پر مشتمل وفد کے ہمراہ خصوصی طیارے سے پشاور پہنچ گئے، گورنر خیبرپختونخوا اور مولانا فضل الرحمان نے امام کعبہ کا استقبال کیا۔

امام کعبہ جمعیت علماءاسلام (ف) کی صدسالہ تقریبات میں شرکت کریں گے

اے آر وائی نیوز کے نمائندہ پشاورظفر اقبال نے بتایا کہ امام کعبہ کی قیادت میں اعلیٰ سعودی وفد کل اضاخیل نوشہرہ میں جمعیت علماءاسلام (ف) کی صدسالہ تقریبات میں شرکت کریں گے اور اجتماع کے شرکا امام کعبہ کی امامت میں نماز جمعہ ادا کریں گے۔

سات اپریل کی شام امام کعبہ اسلام آباد آئیں گے، جہاں ان کی 8اپریل کو صدر وزیراعظم سے ملاقاتیں کریں گے، امام کعبہ کا دورہ پارلیمنٹ بھی متوقع ہے۔