کراچی : شہر قائد میں ڈاکوؤں کی وارداتیں دیدہ دلیری سے جاری ہیں، اسلحے کے زور مسجد کے پیش امام کو موبائل فون اور نقدی سے محروم کردیا گیا۔
تفصیلات کے مطابق صدر کے علاقے میگزین لائن میں اسلحے کے زور پیش امام کو لوٹ لیا گیا، واردات کا مقدمہ پریڈی تھانے میں درج کرلیا گیا ہے۔
واردات کی سی سی ٹی وی فوٹیج اے آر وائی نیوز کو موصول ہوگئی، موبائل مارکیٹ کے پیش امام کوعشاء کی نماز پڑھا کر گھر واپس آتے ہوئے راستے میں لوٹا گیا۔
امام مسجد نے پولیس کو بتایا کہ دو ملزمان آئے جنہوں نے اسلحہ دکھا کر مجھ سے لوٹ مار کی، ملزمان 16 ہزار روپے اور موبائل فون چھین کر فرار ہوگئے۔
امام مسجد کا کہنا تھا کہ میں ان کو بار بار التجا کی کہ امام مسجد ہوں، نماز پڑھاتا ہوں، میری التجا کے باوجود انہوں نے موبائل فون واپس نہیں دیا۔
