حال ہی میں رشہ ازدواج میں منسلک ہونے والے قومی کرکٹر امام الحق نے اہلیہ کے سوشل میڈیا اکاؤنٹس سے متعلق وضاحت کر دی۔
ایکس سابقہ ٹوئٹر پر امام الحق نے اہلیہ کے انسٹاگرام اکاؤنٹ کی تصویر شیئر کی دہے۔
انہوں نے ساتھ ہی سوشل میڈیا صارفین اور مداحوں کو واضح کیا ہے کہ اس انسٹاگرام اکاؤنٹ کے سوا اہلیہ کا کسی اور سوشل میڈیا پلیٹ فارم پر کوئی اکاؤنٹ نہیں ہے۔
Guys please note that my wife doesn’t have any Twitter/other social media IDs except this Instagram account. pic.twitter.com/cpqTfhTQgN
— Imam Ul Haq (@ImamUlHaq12) November 28, 2023
لاہور میں امام الحق اور انمول کے ولیمے کی تقریب منعقد کی گئی جس میں سابق کپتان سمیت قومی ٹیم کے دیگر کھلاڑیوں نے شرکت کی۔
بابر نے امام کے ساتھ ولیمے کے موقع پر لی گئی تصویر شیئر کی۔ بابر اعظم نے لکھا کہ ’زندگی کی نئی اننگز شروع کرنے کا وقت آگیا ہے، اس نئے سفر میں میری دعائیں آپ کے ساتھ ہیں، آپ کو دنیا کی تمام خوشیاں ملیں۔‘
واضح رہے کہ انمول اور امام کے ولیمے کی تقریب میں سابق کپتان بابر اعظم، سرفراز احمد، مصباح الحق، چیف سلیکٹر وہاب ریاض، انضمام الحق، ٹی ٹوئنٹی کپتان شاہین آفریدی، ٹیسٹ کپتان شان مسعود، حسن علی، عثمان قادر، عابد علی، کامران اکمل، سابق ڈائریکٹر پی سی بی ذاکر خان اور قومی ٹیم کے اسسٹنٹ منیجر منصور رانا سمیت دیگر اہم شخصیات نے شرکت کی تھی۔
یاد رہے کہ امام الحق کی شادی کی تقریبات کا آغاز مہندی سے ہوا تھا جس کے بعد قوالی نائٹ، بارات اور پھر ولیمے کی تقریب ہوئی۔
